ناۋرىز مەرەكەسىندە ماڭعىستاۋلىقتار ۇلتتىق كيىم كيگەن 5000 ادامدى جيناپ، الەمدىك گيننەس رەكوردتار كىتابىنا ەنۋدى كوزدەپ وتىر. حالىقارالىق كوميسسيا مۇشەلەرى 22 ناۋرىز كۇنى اقتاۋ قالاسىنا كەلەدى.

مەگافەستيۆالعا قاتىسۋ ءۇشىن kazakhrecord.kz سايتىنا كىرىپ، ارنايى فورمانى تولتىرۋى قاجەت.

“Kazakh Record” فەستيۆالى قازاقتىڭ ۇلتتىق كيىمىن، ونىڭ باي مادەنيەتىن جانە تاريحي مۇراسىن ناسيحاتتاۋدى كوزدەيدى. ۇلتتىق قۇندىلىقتاردى دارىپتەۋمەن قاتار، بۇل شارا جاستاردىڭ پاتريوتتىق رۋحىن وياتىپ، قازاقي سالت-ءداستۇردى ۇرپاقتان-ۇرپاققا جەتكىزۋگە ىقپال ەتەدى.

ۇلتتىق كيىمدى قۇرمەتتەپ، ونىڭ ءسانى مەن ءمانىن الەمگە پاش ەتكىسى كەلەتىن بارشا قازاقستاندىقتاردى «Kazakh Record» فەستيۆالىنە شاقىرامىز!

Abai.kz