الەمدىك نارىقتا التىن قىمباتتادى
التىننىڭ ءبىر ۋنتسياسىنىڭ قۇنى 3 مىڭ دوللارلىق مەجەگە جاقىندادى. نيۋ-يوركتە Comex بيرجاسىنداعى ءساۋىر ايىنىڭ فيۋچەرستەرى ترويا ۋنتسياسى ءۇشىن 2 984,36 دوللار بولدى. وسى اپتادا التىن باعاسى 2,6%-عا وسكەن.
قۇندى مەتالل باعاسىنا دونالد ترامپ باستاعان «تاريفتىك سوعىس»، اقش فەدەرالدىق رەزەرۆىنىڭ اقشا-نەسيە ساياساتى اسەر ەتىپ وتىر. ساراپشىلار بيىل باعا 3 000-3 200 دوللار ارالىعىندا قۇبىلادى دەپ بولجادى.
ايتا كەتەتىنى، وسىدان ەكى جىل بۇرىن نارىقتا التىن باعاسى 2 مىڭ دوللار شاماسىندا بولعان.
Abai.kz
