پرەزيدەنت قاسىم-جومارت توقاەۆ الماتىعا جۇمىس ساپارى كەزىندە قالا اكىمى ەربولات دوساەۆتى قابىلداپ، شاھاردى جارىقتاندىرۋ، پاتەرلەرگە سۋدى ۋاقتىلى جانە تولىق بەرۋ، كوشەلەر مەن اۋلالاردى اباتتاندىرۋ بويىنشا بىرقاتار تاپسىرما بەردى.

بۇدان بولەك، مەملەكەت باسشىسى «تازا قازاقستان» اكتسياسىن تۇراقتى ءارى ءوز دەڭگەيىندە وتكىزۋدىڭ، قالانى كوگالداندىرۋدىڭ، ەكولوگيالىق احۋالدى جاقسارتۋ ءۇشىن كولىك قوزعالىسىن رەتتەۋدىڭ، سونداي-اق الماتىلىقتاردى الاڭداتاتىن باسقا دا ماسەلەلەردى شەشۋدىڭ ماڭىزىن اتاپ ءوتتى.

ەربولات دوساەۆقا ەلىمىزدىڭ ەڭ ءىرى قالاسىنىڭ قارجى، سپورت، تۋريستىك ءارى مادەني حابى رەتىندەگى مارتەبەسىن نىعايتۋ جانە ءتيىستى تارتىپكە كەلتىرۋ ءۇشىن باسقارۋ قىزمەتىن كۇشەيتۋ تاپسىرىلدى.

قالا اكىمى پرەزيدەنتكە جۇرگىزىلگەن جۇمىستار جانە قابىلدانعان شارالار تۋرالى ەكى اپتادا ءبىر رەت بايانداپ وتىرادى.\

Abai.kz