قازىرگى تاڭدا ساپالى ءبىلىم بەرۋ – كەز كەلگەن جوعارى وقۋ ورنىنىڭ باستى ماقساتى. ءال-فارابي اتىنداعى قازاق ۇلتتىق ۋنيۆەرسيتەتى – ەلىمىزدەگى جەتەكشى جوعارى وقۋ ورىندارىنىڭ ءبىرى رەتىندە ساپالى ءبىلىم بەرۋدى باستى ماقسات ەتىپ قويىپ وتىر.

بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ. تۇراقتى دامۋ ماقساتتارى  كونتسەپتسياسىنىڭ 4 ءبولىمى –«ساپالى  ءبىلىم» ەكەنىن ەسكەرە وتىرىپ،وقۋ وردامىز ءبىلىم بەرۋ باعدارلامالارىن الەمدىك ستاندارتتارعا سايكەستەندىرىپ، شەتەلدىك ۋنيۆەرسيتەتتەرمەن سەرىكتەستىك ورناتىپ كەلەدى.

قازۇۋ حالىقارالىق ستاندارتتارعا ساي ءبىلىم بەرۋ مودەلىن ۇستانادى. زاماناۋي تەحنولوگيالار مەن تسيفرلىق ءبىلىم بەرۋ پلاتفورمالارى وقۋ پروتسەسىن ءتيىمدى ءارى قولجەتىمدى ەتەدى. ۋنيۆەرسيتەت قابىرعاسىندا تەوريا مەن پراكتيكانى ۇشتاستىرۋعا ۇلكەن ءمان بەرىلەدى. ستۋدەنتتەر عىلىمي جوبالارعا قاتىسىپ، كاسىبي تاجىريبەدەن ءوتىپ، ءوز سالاسىنىڭ مامانى رەتىندە قالىپتاسۋعا مۇمكىندىك الادى. قازۇۋ الەمنىڭ الدىڭعى قاتارلى ۋنيۆەرسيتەتتەرىمەن ارىپتەستىك ورناتىپ، شەتەلدىك وقىتۋشىلار مەن ساراپشىلاردى تارتۋ ارقىلى ءبىلىم ساپاسىن ارتتىرۋدا. بۇل ءوز كەزەگىندە ستۋدەنتتەر مەن تۇلەكتەردىڭ الەمدىك ەڭبەك نارىعىندا باسەكەگە قابىلەتتى بولۋىنا جول اشادى. ساپالى ءبىلىم – جەكە تۇلعانىڭ ينتەللەكتۋالدى جانە رۋحاني دامۋىنىڭ، قوعامنىڭ وركەندەۋى مەن پروگرەسىنىڭ باستى قوزعاۋشى كۇشى. ول تەك  ستۋدەنتتەرگە قاجەتتى ءبىلىم مەن داعدىلاردى بەرىپ قانا قويماي، ولاردىڭ سىني ويلاۋ قابىلەتىن، شىعارماشىلىق الەۋەتىن جانە ادامگەرشىلىك قاسيەتتەرىن قالىپتاستىرۋعا باعىتتالعان.

قازىرگى ۋاقىتتا ءبىلىم سالاسى باسەكەگە قابىلەتتىلىكتىڭ ولشەمىنە اينالىپ وتىر. الەمدەگى كوشباسشى ەلدەر ەڭ الدىمەن ءبىلىم مەن عىلىمدى دامىتۋعا كۇش سالىپ، زور جەتىستىكتەرگە جەتۋدە.

وسى ورايدا ۋنيۆەرسيتەتتىڭ وركەندەۋىنە گەوگرافيا جانە تابيعاتتى پايدالانۋ فاكۋلتەتى كارتوگرافيا جانە گەوينفورماتيكا كافەدراسى ءوز ۇلەسىن قوسۋدا.

كافەدرامىز ساپالى ءبىلىم بەرىپ،ساپالى ماماندار دايىنداۋدى باستى نازارعا الدى.ساپالى ءبىلىم تەك تەوريانى ۇيرەتىپ قانا قويماي، ونى ناقتى ومىردە قولدانۋعا باعىتتالعان پراكتيكالىق داعدىلاردى دا قالىپتاستىرادى. كافەدرامىزدىڭ پروفەسسورلىق-وقىتۋشىلار قۇرامى ستۋدەنتتەرگە ءبىلىمدى تاجىريبەدە قالاي قولدانۋعا بولاتىنىن كورسەتىپ،مىقتى مامان بولۋعا كۇش سالۋدا.

ساپالى ءبىلىم – ۇلت بولاشاعىنىڭ كەپىلى. قازۇۋ بۇل ۇستانىمدى باسشىلىققا الىپ، ءبىلىم بەرۋ مازمۇنىن ۇزدىكسىز جەتىلدىرۋ ارقىلى ەل دامۋىنا ءوز ۇلەسىن قوسىپ كەلەدى. ۋنيۆەرسيتەت ۇجىمى ءۇشىن باستى ماقسات – جاس ۇرپاققا تەرەڭ ءبىلىم، بيىك رۋح پەن بولاشاققا سەنىمدى قادام سىيلاۋ.

ءۇمىت قوجاحمەتوۆا،

ءال-فارابي اتىنداعى قازۇۋ گەوگرافيا جانە تابيعاتتى پايدالانۋ فاكۋلتەتى كارتوگرافيا جانە گەوينفورماتيكا كافەدراسىنىڭ  اعا وقىتۋشىسى

Abai.kz