باس پروكۋرور بەرىك اسىلوۆ جاسوسپىرىمدەر اراسىنداعى قىلمىسپەن كۇرەسۋ ءۇشىن مەكتەپتەردە جاڭا ءپان ەنگىزۋدى ۇسىندى.

بەرىك اسىلوۆتىڭ ايتۋىنشا، بۇگىندە وكىنىشكە قاراي، كەيبىر جاسوسپىرىمدەر توبەلەس پەن ودان دا اۋىر قىلمىستارعا بارىپ ءجۇر.

كوپشىلىگى زاڭدى بۇزىپ جاتقانىن بىلمەگەن. ولار بۇل ءۇشىن جاۋاپكەرشىلىكتىڭ بار ەكەنىن تۇسىنبەگەن. ناعىز قاۋىپ – قۇقىقتىق ساۋاتسىزدىق. سوندىقتان ءبىز ۋاكىلەتتى ورگانعا ماڭىزدى ۇسىنىس جاسادىق – 7-سىنىپتان باستاپ مەكتەپتەردە "زاڭ جانە ءتارتىپ" اتتى مىندەتتى ءپان ەنگىزۋ.
بۇل ءپاندى قىزمەتتەگى زاڭگەرلەر مەن قۇقىق قورعاۋ ورگاندارىنىڭ ارداگەرلەرى جۇرگىزسە، ولار تەك بىلىممەن ەمەس، ومىرلىك تاجىريبەمەن دە بولىسە الادى - دەپ جازدى ەلىمىزدىڭ باس پروكۋرورى X الەۋمەتتىك جەلىسىندەگى پاراقشاسىندا.

بەرىك اسىلوۆ مۇنداي ساباقتاردىڭ سانالى، جاۋاپتى، زاڭ مەن تارتىپكە قۇرمەتپەن قارايتىن جاس ۇرپاقتى تاربيەلەۋگە كومەكتەسەتىنىنە سەنىمدى.

Abai.kz