كولەمدى سۇحباتتان شاعىن ءۇزىندى...

سۇحبات الۋشى – ۋكراينا ءجۋرناليسى دميتري گوردون. سپيكەر – ۆلاديمير زەلەنسكيدىڭ سايلاۋ الدى شتابىنىڭ بۇرىنعى باستىعى ءارى پرەزيدەنت كەڭسەسىنىڭ بۇرىنعى ءبىرىنشى باستىعى.

دميتري گوردون:

- زەلەنسكي ۋكراينشەنى قالاي تەز ۇيرەنىپ الدى؟

اندرەي بوگدان:

- بۇل مەنىڭ ماقتانىشىم. مەن لۆوۆتىكىمىن عوي. ۇيدە دە، بالالارمەن دە، اتا-اناممەن دە ۋكراينشە سويلەسەمىن. ونىڭ ۇستىنە نەشە جىل مەملەكەتتىك قىزمەتتە ىستەگەن تاجىريبەم بار.

انا ءتىلىڭ قاي ءتىل دەسە، قاي تىلدە ويلاناسىڭ، سول ءتىل دەيدى عوي. سونداي-اق، قاي تىلدە ءتۇس كورسەڭ، سول انا ءتىلىڭ دەيدى.

زەلەنسكي سايلاۋ الدىندا ۋكراينشە سويلەۋى كەرەك بولدى. ول ۋكراينشە سوزدەردى بىلەتىن ەدى، بىراق سويلەۋگە قينالاتىن. ءومىر بويى سويلەمەگەن ادام عوي. رەنجۋگە دە بولمايدى.

ۋكراينشە سويلەۋ كەرەگىن وعان ءتۇسىندىردىم. ول مۇعالىم جالداعىسى كەلدى. بىراق وعان كۇنىنە ءبىر ساعات كەرەك. ونىمەن قويماي، ءۇي جۇمىسىن ورىنداۋعا تاعى ءبىر ساعات كەرەك بولادى. قىزىق ەمەس قوي. ءوزىم اعىلشىنشا ۇيرەنگەندە سويلەپ ءجۇرىپ ۇيرەنۋ وڭاي ەكەنىن تۇسىنگەنمىن.

ءتىل ۇيرەنۋدىڭ بىرنەشە كەزەڭى بار. ءبىرىنشى سويلەيسىڭ، سەنى بىرەۋلەر تۇزەيدى. ودان كەيىن ءوزىڭدى ءوزىڭ تۇزەي باستايسىڭ. سوسىن سول تىلدە ويلاناتىن بولاسىڭ.

مەن زەلەنسكيدىڭ دوستارىنىڭ بارىمەن كەلىسىپ شىقتىم. زەلەنسكي وتىرعان جەردە تەك ۋكراينشە سويلەيسىڭدەر دەدىم. كوندىردىم. سول ۋاقىتتان باستاپ مەنى ولار ۇناتپاي قالدى.

ءتورت اي بويى ۋكراينشە سويلەدىك. زەلەنسكي وتىرعان جەردە ورىسشا سويلەۋگە تىيىم سالىندى.

پوروشەنكو وسىنى ءبىلىپ، دايىندالعان ەدى. زەلەنسكيدى ۋكراينشەدەن سۇرىندىرەم دەپ ويلادى. ستاديوندا ەكەۋى سويلەسكەندە پوروشەنكو سوعان دايىندالىپ كەلگەن ەدى. بىراق ادام ۋكراينشە مەملەكەتتىك ماسەلەلەردى سويلەسەتىن دەڭگەيگە جەتكەن سوڭ، ول اڭگىمەنى ورىسشا ايتا الماي قالادى. ول ۋاقىتتا زەلەنسكي وسىنداي دەڭگەيگە جەتكەن ەدى. مەملەكەتتىك ماسەلەگە بايلانىستى سوزدەردىڭ تەك ۋكراينشەسىن بىلەسىڭ. بىراق ول سوزدەردىڭ ورىسشاسىن بىلمەيسىڭ. ءوزىڭ ورىسشا وسكەن ادام بولساڭ دا، ورىسشا ءتۇس كورەتىن بولساڭ دا... زەلەنسكي پوروشەنكومەن سويلەسكەندە وسىنداي دەڭگەيگە جەتكەن ەدى.

ارمان المەنبەت

Abai.kz