ا.ج. 15 ءساۋىر كۇنى ساعات 11.00-دە تۇركىستان قالاسىنداعى Farab كىتاپحاناسىندا «Baluan tas» ۇلتتىق سپورت تۇرلەرى جانە مادەنيەتى اكادەمياسىنىڭ ەكىنشى جوباسى – «كۇش لەكتسياسى» جوباسى باستاۋ الادى.

اتالمىش جيىنعا وبلىس زيالىلارى مەن بەلگىلى كۇش مادەنيەتىن زەرتتەۋشى، وتىرارلىق ابىلايحان قالنازاروۆتىڭ «بالۋان تاس» قوستومدىعى، «شىمكەنتتىڭ جۇمساق كۇشى» كىتاپتارىنىڭ وقىرماندارى، سونداي-اق سپورت پەن مادەنيەت جانە اقپارات سالالارىنىڭ وكىلدەرى قاتىسادى دەپ كۇتىلۋدە.

بۇل ءىس-شارادا ابىلايحان قالنازاروۆتىڭ جەكە شىعارماشىلىعى، قازاقتىڭ ۇلتتىق سپورت تۇرلەرى مەن كۇش مادەنيەتى جانە ءوڭىر باتىر-بالۋاندارى تۋرالى قۇندى اقپاراتتار بەرىلەدى. سونىمەن قاتار رەسپۋبليكا اۋماعىندا جۇزەگە اسىرىلاتىن «كۇش لەكتسياسى» اتتى ارنايى جوبا تانىستىرىلادى.

ۇلتتىق سپورت وكىلدەرى مەن جانكۇيەرلەرىنە وزدەرىن قىزىقتىراتىن ءارى باھادۇرلىك ۇلتتىق مۇرانى دارىپتەيتىن ەرەكشە جوبامەن تانىسۋعا مۇمكىندىك بار.

ايتا كەتەيىك، «Baluan tas» ۇلتتىق سپورت تۇرلەرى مەن مادەنيەتى اكادەمياسى – قازاق حالقىنىڭ بارلىق ءداستۇرلى سپورتىن ساقتاۋ، دامىتۋ جانە حالىقارالىق دەڭگەيدە تانىمال ەتۋگە باعىتتالعان يننوۆاتسيالىق ورتالىق. بۇل ۇيىم ۇلتتىق سپورت تۇرلەرىنىڭ فيزيكالىق، رۋحاني-مادەني جانە زياتكەرلىك قۇندىلىقتارىن زەرتتەپ زەردەلەپ، بولاشاق ۇرپاققا جەتكىزۋدى جانە سپورت ارقىلى ەلدىك رۋحتى كۇشەيتۋدى كوزدەيدى. ول 2025 جىلى 17 ناۋرىزىندا ۇلتتىق سپورت تۇرلەرى زەرتتەۋشىلەرى مەن عالىمدارىنىڭ باستاماسىمەن استانا قالاسىندا قۇرىلىپ، ءوز جۇمىسىن باستادى. جەتەكشىسى جانە قۇرىلتايشىسى ابىلايحان قالنازاروۆ.

بايلانىس: 8 747 793 93 18 (كىتاپحانا وكىلى), 8 778 442 84 13 (ابىلايحان قالنازاروۆ)

Abai.kz