قارجىلىق مونيتورينگتىك اگەنتتىگى الماتى قالاسى بويىنشا دەپارتامەنتى پروكۋراتۋرانىڭ ۇيلەستىرۋىمەن "Creditum" مقۇ، "Sofi Finance" مقۇ، "Hava Finance" مقۇ، "SF Offline" مقۇ، "POS Credit" مقۇ، "سالەم كرەديت" مقۇ باسشىلارىنا قاتىستى الاياقتىق جانە زاڭسىز كاسىپكەرلىك قىزمەت فاكتىلەرى بويىنشا تەرگەۋدى جالعاستىرىپ جاتىر.

تولەمدەرى كەشىكتىرىلگەن قارىز الۋشىلار Hava.kz, Koke.kz, Tengo.kz كومپانيالارمەن كەپىلدىك شارتتارىن جاساسۋعا ءماجبۇر بولعان.

بۇل رەتتە، كەپىلگەردىڭ جاۋاپكەرشىلىگى تەك قارىز الۋشى قايتىس بولعان جاعدايدا عانا قاراستىرىلعان.

بۇل قىزمەت ءۇشىن باستاپقى نەسيە سوماسىنان بىرنەشە ەسە اسىپ تۇسەتىن تولەم الىنىپ، ازاماتتاردى قارىزعا باتىرعان. ناتيجەسىندە، قارىز الۋشىلار نەسيە سوماسىنان 3-5 ەسە ارتىق اقشا تولەۋگە ءماجبۇر بولعان.
ميكروقارجى ۇيىمدارىنىڭ ەسەپشوتتارىنا 1,8 ملرد تەڭگە كولەمىندە تىيىم سالىندى، سونداي-اق 30 ملرد تەڭگە مولشەرىندە نەسيە پورتفەلىنە شەكتەۋ قويىلدى - دەلىنگەن حابارلامادا.

مقۇ ۇيىمداستىرۋشىسى 2 ايعا قاماۋعا الىندى.

Abai.kz