قاراعاندى وبلىسىنىڭ تۇرعىندارى شىمكەنت قالاسىنان باستاۋ العان فلەشموبتى قابىلدادى – ولار ۇلى جەڭىستىڭ 80 جىلدىعىنا ارنالعان ماقالالار، بەينەماتەريالدار مەن فوتوسۋرەتتەردى الەۋمەتتىك جەلىلەردەگى پاراقشالارىندا جاريالاۋدا. ۇلى وتان سوعىسى ارداگەرلەرى مەن تىل ەڭبەككەرلەرىنىڭ باتىلدىعى مەن ادالدىعى تۋرالى اقپاراتتار جاريالانۋدا.

جاستار ەرەكشە بەلسەندىلىك تانىتۋدا. قاراعاندى قالاسىنىڭ جاستارى بەينەروليك ءتۇسىردى، وندا قالا تۇرعىندارى ۇلى وتان سوعىسىنىڭ ارداگەرلەرى مەن تىل ەڭبەككەرلەرىنە العىس پەن شىنايى ريزاشىلىق سوزدەرى ءبىلدىردى.

سونداي-اق، تەمىرتاۋ قالاسىنىڭ تۇرعىنى ايگۇل الكەەۆا ءوزىنىڭ ۇلى وتان سوعىسىنا قاتىسقان اتاسى ءاشىم الكەەۆتىڭ ەرلىگى تۋرالى ايتىپ بەردى:

«ۇلى وتان سوعىسى باستالعاندا العاشقىلاردىڭ ءبىرى بولىپ جاۋ سوققىسىنا قارسى تۇرادى. 1942 جىلى دونداعى شايقاستا اياعىنان جارالانعانىنا قاراماستان، قايتىپ قاتارعا قوسىلدى. كەيىن جيتومير جاياۋ اسكەر ۋچيليششەسىن ءبىتىرىپ، 1943 جىلى ءبىرىنشى بەلارۋس مايدانىنا جىبەرىلەدى. ۆيسلا وزەنىن كەسىپ وتكەن 132 اتقىشتار ديۆيزياسى قۇرامىندا پولشانى ازات ەتۋ ماقساتىندا ۆارشاۆا قالاسىن الۋعا قاتىسادى. سوعىستان 1945 جىلى شىلدە ايىندا تۋعان ەلگە ورالادى».

مەرەيتويعا دايىندىق جالعاسۋدا. بۇل تەك ارداگەرلەرگە قۇرمەت كورسەتۋ مۇمكىندىگى عانا ەمەس، جاس ۇرپاقتى پاتريوتتىق رۋحتا تاربيەلەۋ مەن تاريحي جادىمىزدى ساقتاۋ جولىنداعى ماڭىزدى قادام.

Abai.kz