قازاقستان اۋعانستاندا تەمىرجول سالۋعا 500 ملن دوللار ينۆەستيتسيالايدى.

قازاقستان پرەمەر-ءمينيسترىنىڭ ورىنباسارى سەرىك جۇمانعارين تاليبان وكىمەتىنىڭ پرەمەر-ءمينيسترىنىڭ ورىنباسارى ابدۋل عاني بارادارمەن كەزدەسۋ بارىسىندا تۋرگۋندي–گەرات–سپينبولداك تەمىرجول جوباسىنا 500 ميلليون دوللار كولەمىندە ينۆەستيتسيا سالۋعا دايىن ەكەنىن مالىمدەدى.

بۇل تەمىرجول جەلىسى ورتالىق ازيانى، يراندى جانە پاكىستاندى بايلانىستىرادى. حابارلانعانداي، بۇگىن ەكى ەل وكىلدەرى اراسىندا وتكەن كەلىسسوزدەر بارىسىندا قازاقستاندىق تاراپ تەك ماگيسترالدى قارجىلاندىرۋعا عانا ەمەس، سونىمەن قاتار جوبانى قامتاماسىز ەتۋ ءۇشىن گەرات قالاسىندا كولىك-لوگيستيكالىق كومپانيالار قۇرۋعا نيەتتى ەكەنىن راستادى.

بۇعان قوسا، جۇمانعارين اۋعانستانعا ينتەرنەت-ارنا تارتۋ جوباسىن كەڭەيتۋدى جاريالاپ، قازاقستاندىق ينۆەستورلاردىڭ اۋعان مۇناي جانە گاز كەن ورىندارىن يگەرۋگە قىزىعۋشىلىعىن ءبىلدىردى.

بۇل باستامالار تاليبان رەجيمىنىڭ حالىقارالىق وقشاۋلانۋىنا قاراماستان، قازاقستان مەن اۋعانستان اراسىنداعى ەكونوميكالىق ىنتىماقتاستىقتى ايتارلىقتاي نىعايتا الادى.

Abai.kz