قازىرگى كۇندەرى كورشى رەسەيدىڭ قيىر شىعىسى مەن تۇتاس ءسىبىر اۋماعىندا 14-17 ميلليون ادام تۇرادى. بۇل جاقتاعى وبلىستاردىڭ دەرەۆنيالارى مەن اۋداندارىندا، مونوقالالارىندا ادام قالمادى.

قۇلازىپ، قاڭىراپ، بوس تۇر. ۇلتى ورىس تۇرعىندارىنىڭ ءبارى قاشىپ، وسى ەلدىڭ ەۋروپالىق بولىگىنە جينالىپ الدى. رەسەيدىڭ قاتتى قورقىپ وتىرعانى دا وسى. قاسىندا، شەكاراسى مىڭداعان شاقىرىمعا سوزىلعان، ءبىر جارىم ميللياردقا تاياۋ جۇرتى بار قىتاي تۇر. ولارعا شەكارا سىزىعىنان ءبىر-ەكى قادام اتتاپ، ىشكە كىرىپ كەتۋ، كوپ قيىندىق تۇدىرمايدى. رەسەي بيلىگى قاڭىراپ، يەن قالعان وسى ولكەلەرگە جىبەرۋگە ادام تاپپاي قينالۋدا. ۋكراينامەن اراداعى سوعىستان قاشقانداي، قيىر شىعىس پەن سىبىرگە بارۋعا ورتا جاستاعىلار مەن جاستار جاعى مۇلدە كەلىسكىسى جوق. ءبىزدىڭ ەلدە، قايتا سولتۇستىك وبلىستارعا وڭتۇستىكتەن كوشىپ بارىپ جاتىر. بۇلاردا، ول دا جوق. ورىس ايەلدەرى كەيىنگى ون جىلدان بەرى مۇلدە بالا تۇمايتىن بولدى. تۋ دەڭگەيى وتە تومەن.

تاعى ەسكەرتەرىمىز، پوۆولجە جانە ورال تاۋى وڭىرلەرىندە، تاتار مەن باشقۇرتتى، شۋۆاش پەن موردۆانى، ورىستى، تاعى باسقالارىن قوسقاندا ون جەتى ميلليونعا جەتەر-جەتپەس ەل تۇرادى.

بۇلاردا دا ەڭبەك كۇشى جەتپەيدى. رەسەيدىڭ ەۋروپالىق بولىگىندە الپىس ميلليوننان ءسال عانا اساتىن تۇرعىن بار. ەگەر، وسىلاردىڭ ءبارىن قوسىپ ەسەپتەسەڭ، ءجۇز قىرىق ەكى ميلليون تۇرماق، ءجۇز ميلليونعا جەتپەيدى. رەسەي بيلىگى وسىنىڭ بارلىعىن وتە قۇپيا تۇردە جاسىرىپ وتىر دەپ ويلايمىز.

رەسەي وسىناۋ وراسان ۇلكەن اۋماقتان ايىرىلىپ قالامىز با دەپ قاتتى ۇرەيلەنۋدە. كورشىسى ۋكراينامەن سوعىسۋعا ساربازدارى تاۋسىلىپ (تەحنيكاسى دا), الاسۇرىپ جاتقانى دا سودان. كرەملدىڭ قازىرگى ۇستانىپ وتىرعان ساسىق ساياساتى قازاقستان مەن وزبەكستان، قىرعىزستان جانە تاجىك پەن تۇركىمەن ەلدەرىن الداپ ءتۇسىرىپ، يەلىگىنە الىپ، سولاردىڭ دۇركىرەپ ءوسىپ كەلە جاتقان ادام رەسۋرستارىن پايدالانباق. ورتالىق ازيانىڭ حالىق سانى مەن رەسەيدىڭ تۇرعىندارى تەڭەسۋگە جاقىن قالدى. سوندىقتان سولتۇستىكتەگى كورشىدەن قورقىپ، سەسكەنىپ كەرەگى جوق. وزدەرى ايتىپ جۇرگەندەي قۇرىپ بارا جاتىر. قازىر ولاردىڭ ەكونوميكاسى دا سانكتسيا شەڭبەرىندە بىرتىڭدەپ قيراۋ ۇستىندە.

دەگەنمەن، ايتارىمىز، مىسال رەتىندە كەلتىرگەن رەسەي سەكىلدى ازىپ-توزىپ كەتپەۋ ءۇشىن اينالاداعى مەملەكەتتەردەگى قانداستارىمىزدى جيناپ الۋ، ەلىمىزدى تولىققاندى قازاق ەلىنە ايلاندىرۋ، سونداي-اق، ەلدىڭ كۇش-قۋاتىن ارتتىرۋ، قازىرگى بيلىكتىڭ كۇن تارتىبىنەن تۇسپەۋ قاجەت.

بەيسەنعازى ۇلىقبەك،

قازاقستان جۋرناليستەر وداعىنىڭ مۇشەسى

Abai.kz