ازيا-تىنىق مۇحيتى لينگۆيستيكالىق وليمپياداسى — APLO-2025 ءوز مارەسىنە جەتتى. قىتاي، اۆستراليا، گونكونگ، جاپونيا، مالايزيا، يران، كورەيا، سينگاپۋر، تايلاند سياقتى اتا ەلدەرىنىڭ دارىندى وقۋشىلارىن بىرىكتىرگەن بەدەلدى زياتكەرلىك جارىسقا بيىل 500-گە جۋىق وقۋشى قاتىستى.

بايقاۋ قورىتىندىسى بويىنشا ماڭعىستاۋ وبلىسىنداعى IT-ليتسەيدىڭ وقۋشىسى رامازان بۋتانتاەۆ جوعارى ناتيجە كورسەتىپ، وليمپيادانىڭ ءابسوليۋتتى جەڭىمپازى اتاندى. ول ايماقتىڭ ەڭ مىقتى قاتىسۋشىلارىن باسىپ وزىپ، التىن مەدال يەلەندى.

جالپى، قازاقستان قۇراماسى لينگۆيستيكالىق وليمپيادا تاريحىنداعى ەڭ ۇزدىك ناتيجەنى كورسەتتى — 5 مەدال جانە 3 قۇرمەت گراموتاسىن جەڭىپ الدى:

1 ورىن. رامازان بۋتانتاەۆ — 10 سىنىپ، مامانداندىرىلعان IT-ليتسەي، ماڭعىستاۋ وبلىسى;

2 ورىن. سامير سارباسوۆ — 12 سىنىپ، نزم، استانا قالاسى;

3 ورىن. تيمۋر كانتاەۆ — 11 سىنىپ، «ارىستان» مامانداندىرىلعان مەكتەبى، الماتى قالاسى;

3 ورىن. زەرە سەرىكوۆا — 11 سىنىپ، №9 «زەردە» مەكتەبى، استانا قالاسى;

3 ورىن.تەمىرلان سەيتباتتال — 11 سىنىپ، بيل، اقمولا وبلىسى.

قۇرمەت گراموتاسىمەن ماراپاتتالعاندار:

يسلام سيپاتتالوۆ — 10 سىنىپ، بيل، اقتوبە قالاسى;

شىڭعىس قاراساەۆ — 11 سىنىپ، نزم، ورال قالاسى;

ارون حاسانوۆ — 11 سىنىپ، بيل، اتىراۋ قالاسى.

لينگۆيستيكادان قر قۇراما كومانداسىنىڭ جاتتىقتىرۋشىسى — لينگۆيستيكا جانە گەوگرافيا پاندەرىنەن حالىقارالىق جانە رەسپۋبليكالىق وليمپيادالار جەڭىمپازى، ەبەرحارد جانە كارل اتىنداعى تيۋبينگەن ۋنيۆەرسيتەتىنىڭ 2-كۋرس ستۋدەنتى — ايدا داۆلەتوۆا.

Abai.kz