قازىر قر ۇكىمەتى اۋىلدى جەرلەردە ءوز ءىسىن ەندى باستاعان كاسىپكەرلەر مەن وسى سالادا بۇرىننان جۇمىس ىستەپ جۇرگەن بيزنەسمەندەرگە دە قولداۋ شارالارىنىڭ كەڭ سپەكترىن ۇسىنىپ كەلەدى.

بۇل وتاندىق بيزنەستى دامىتۋدىڭ جالپى تۇجىرىمداماسىنىڭ ءبىر بولىگىنە اينالدى. وسى تۇرعىدان العاندا، بيىلدان باستاپ كۇشىنە ەنگەن «مەملەكەتتىك ساتىپ الۋ تۋرالى» زاڭنىڭ ماڭىزى جوعارى.

اۋىلداعى كاسىپكەرلەرگە مەملەكەتتىك ساتىپ الۋعا قاتىسۋ ءۇشىن بارىنشا كەڭ مۇمكىندىكتەر بەرىلىپ، بۇل جەرگىلىكتى ەكونوميكانىڭ ءوسىمى مەن جۇمىس ورىندارىن اشۋعا وڭ اسەر ەتەدى.

بۇل ماقساتتا جاڭا زاڭدا بيۋروكراتيالىق كەدەرگىلەر ايتارلىقتاي ازايعان: ءوتىنىش بەرۋ جەڭىلدەتىلىپ، جەرگىلىكتى بيزنەس ءۇشىن ءتيىمدى شارتتار قاراستىرىلعان.

ماسەلەن، اتالعان رەفورماعا سايكەس تاۋارلاردى ءبىر كوزدەن 100 اەك-كە دەيىن، جۇمىستار مەن كورسەتىلەتىن قىزمەتتەردى 500 اەك-كە دەيىن ساتىپ الۋ مۇمكىندىگى بەرىلىپ وتىر.

سونىمەن قاتار اۋىل اكىمدىكتەرى ءبىر كوزدەن الۋ ءتاسىلى بويىنشا 4000 اەك دەيىن تاۋارلاردى، جۇمىستاردى ءارى قىزمەتتەردى پايدالانا الادى.

وتاندىق تاۋار وندىرۋشىلەردى قولداۋ ماقساتىندا قارجى مينيسترلىگى تەك شاعىن جانە ورتا كاسىپكەرلىك سۋبەكتىلەرىنەن مەملەكەت ەسەبىنەن ساتىپ الىناتىن تاۋارلاردىڭ، جۇمىستار مەن كورسەتىلەتىن قىزمەتتەردىڭ جەكەلەگەن تىزبەسىن بەكىتتى.

مەملەكەتتىك ساتىپ الۋ جۇيەسىندەگى رەفورمالار فەرمەرلەر مەن شاعىن وندىرۋشىلەردىڭ ونىمدەرىنىڭ تۇراقتى ساۋداسىن قامتاماسىز ەتىپ، جەرگىلىكتى ەكونوميكانىڭ دامۋىنا جول اشادى. بۇعان قوسا اۋىلدى جەرلەردەگى شاعىن بيزنەستى قولداۋ جۇمىس ورىندارىن اشۋعا سەپتىگىن تيگىزىپ، بۇل شاعىن ەلدى مەكەندەردەگى حالىقتىڭ قالاعا جاپپاي كوشۋىن تەجەيدى.

Abai.kz