دونالد ترامپ ساۋد ارابياسىمەن ەڭ ءىرى قارۋ-جاراق كەلىسىمىنە قول قويدى.

ەكىجاقتى مامىلە قۇنى 142 ملرد دوللارعا تەڭ. ماڭىزدى شەشىم ترامپتىڭ ارنايى بارعان ساپارىنىڭ العاشقى كۇنى قابىلداندى.

كەلىسىم اياسىندا اقش ءوزىنىڭ وزىق اسكەري تەحنيكالارىمەن بولىسەدى.

قۇجات بەس ساناتقا بولىنگەن: عارىشتىق مۇمكىندىكتەر، تەڭىز قاۋىپسىزدىگى، شەكارا قىزمەتى مەن اقپاراتتىق جۇيەلەردى جاڭعىرتۋ شارالارى. سونداي-اق، اراب اسكەرىن وقىتۋدى دا قولعا العالى وتىر.

ايتا كەتەيىك، 4 كۇندىك تۋرنەمەن كەلگەن اق ءۇي باسشىسى ساۋديامەن بىرلەسكەن كونفەرەنتسياعا قاتىستى. باستى ماقسات ەكونوميكالىق، ينۆەستيتسيالىق جانە قورعانىس كەلىسىمدەرىن جاساۋ.

العاشقى ناتيجە رەتىندە، ساياساتكەر 1 ترلن دوللارعا تەڭ ينۆەستيتسياعا قول جەتكىزگەنىن مالىمدەدى.

ايتا كەتەيىك، بۇل ترامپتىڭ اق ۇيگە ورالعان شەتەلگە جاساعان العاشقى اۋقىمدى ساپارى.

Abai.kz