الماتى قالاسى جاستار ساياساتى باسقارماسىنىڭ قولداۋىمەن حالىقارالىق بيزنەس ۋنيۆەرسيتەتىندە (UIB) قازىرگى تسيفرلىق كرەاتيۆتى يندۋستريانىڭ ەڭ پەرسپەكتيۆالى باعىتتارىنىڭ ءبىرى — ۆەبتۋندارعا ارنالعان اشىق دارىستەر سەرياسى باستالدى. 

ۆەبتۋندار — سمارتفون ارقىلى تىك باعىتتا وقۋعا ىڭعايلانىپ جاسالعان تسيفرلىق كوميكستەر. ولار يلليۋستراتسيانى، ستوريتەللينگ پەن انيماتسيا ەلەمەنتتەرىن بىرىكتىرەدى، بۇگىندە بۇكىل الەمدە تانىمال جانە كرەاتيۆتى يندۋستريانىڭ ءبىر بولىگىنە اينالۋدا. 

بۇل فورمات وڭتۇستىك كورەيا، اقش، جاپونيا سياقتى ەلدەردە كەڭ تانىمالدىققا يە بولىپ ۇلگەرسە، ەندى قازاقستاندا دا ءبىلىم بەرۋ جانە مادەني جوبالارعا بەلسەندى تۇردە ەنگىزىلۋدە. UIB-ءدىڭ جاڭا ءبىلىم بەرۋ باستاماسى ستۋدەنتتەردى وسى سالانىڭ مۇمكىندىكتەرىمەن تانىستىرۋدى كوزدەيدى — كوركەمدىك جانە ستسەناريلىك شەبەرلىكتەن باستاپ، حالىقارالىق تسيفرلىق پلاتفورمالاردا كونتەنتتى ىلگەرىلەتۋ مەن كوممەرتسيالاۋعا دەيىن. 

«ءبىز جاي عانا كۋرس ەمەس، تۇتاس كەشەندى جۇمىستى باستادىق. وندا يندۋستريا وكىلدەرىمەن، سۋرەتشىلەرمەن، ستسەناريستەرمەن جانە پلاتفورمالارمەن كەزدەسۋلەر وتەدى. ۆەبتۋن — بۇل جاي سۋرەت سالۋ عانا ەمەس. بۇل — نارراتيۆ، ماركەتينگ، مادەنيەت جانە يدەيانى ەكسپورتتاۋ»، — دەيدى جوبا ۇيىمداستىرۋشىلارى.

شاقىرىلعان سپيكەرلەر قاتارىندا وڭتۇستىك كورەيا، قازاقستان جانە وزبەكستاننان كەلگەن جەتەكشى ماماندار، سونداي-اق تانىمال ۆەب-پلاتفورمالاردىڭ وكىلدەرى بار. ءبىر اي ىشىندە قاتىسۋشىلار دارىستەر تىڭداپ، پانەلدىك سەسسيالارعا قاتىسادى، ال سوڭىندا ءوز ۆەبتۋنىنىڭ پيلوتتىق ەپيزودىن جاساۋ بويىنشا ۆوركشوپقا قاتىسا الادى. 

اتالعان جوبا — جاستار اراسىندا تسيفرلىق جانە كرەاتيۆتى ماماندىقتاردى دامىتۋعا باعىتتالعان اۋقىمدى باعدارلامانىڭ ءبىر بولىگى. 

Abai.kz