گەوساياسي شيەلەنىستەردىڭ قازاقستانعا تىكەلەي بولماسا دا، جاناما اسەرى مىندەتتى تۇردە بولادى.

ماسەلەن، يران مەن يزرايل اراسىنداعى قاقتىعىس سالدارىنان مۇناي باعاسى باررەلىنە 130 دوللارعا دەيىن كوتەرىلۋى مۇمكىن. «سالدارىنان» دەگەنىمىزبەن، مۇناي باعاسىنىڭ قىمباتتاۋى – ءبىز سياقتى مۇناي ەكسپورتىنا ارقا سۇيەيتىن ەل ءۇشىن وتە جاعىمدى قۇبىلىس.

Tengenomika ارناسىنىڭ جازۋىنشا، قازىر يران تاۋلىگىنە 3,3 ملن باررەل مۇناي وندىرەدى، بۇل الەمدىك ۇسىنىستىڭ – 3,5 پايىزى. دەمەك، يران وندىرىسىندەگى كەز كەلگەن ىركىلىس جاھاندىق تاپشىلىققا جول اشىپ بەرمەك.

يران مۇنايدى نەگىزىنەن قىتايعا ساتادى (كۇنىنە 1,5 ملن باررەلدەن استام).

سوعىسقا بايلانىستى يران ورمۋز بۇعازىن جاۋىپ تاستاۋى مۇمكىن. ونداي جاعدايدا الەمدىك مۇناي تاسىمالىنىڭ 20 پايىزى بۇعاتتالادى. بۇل ستراتەگيالىق ءدالىز قازىرگى ۋاقىتتا كۇنىنە 20 ملن باررەل وتكىزەدى. بۇل جاعداي الەمدە باعا عانا ەمەس، لوگيستيكالىق داعدارىستى دا ۇدەتپەك.

«قازاقستان ءۇشىن مۇناي باعاسىنىڭ ءوسۋى قىسقا مەرزىمدى فيسكالدىق ارتىقشىلىقتار بەرە الادى (مۇناي سەكتورىنان تۇسەتىن كىرىس ارتادى). الايدا شيكىزاتتىق ەكسپورتقا جوعارى تاۋەلدىلىكجاعدايىندا بۇل تۇراقتىلىق ءبارىبىر شىنايى بولمايدى. ەگەر قۇرىلىمدىق وزگەرىستەر جاسالماسا ينفلياتسيالىق قىسىم كۇشەيىپ، يمپورت قۇرىلىمىنداعى تەڭگەرىمسىزدىك پەن ۆاليۋتا نارىعىنداعى قۇبىلمالىلىق جالعاسا بەرەدى. مۇنداي جاعدايدا ەل ەكونوميكاسىنىڭ ورنىقتىلىعى مۇناي باعاسىنىڭ دەڭگەيىمەن ەمەس، كەرىسىنشە، رەفورمالارعا ينستيتۋتسيونالدىق دايىندىق دارەجەسىمەن ايقىندالادى:سالىق ساياساتى مەن لوگيستيكادان باستاپ، ەنەرگەتيكا مەن ادامي كاپيتالعا دەيىن»، دەپ جازادى ارنا ساراپشىلارى.

دەرەككوزى: مىڭ تەڭگە تەلەگرام ارناسى

Abai.kz