سيريانىڭ دەنساۋلىق ساقتاۋ مينيسترلىگى داماسك قالاسىنداعى گرەك پراۆوسلاۆ شىركەۋىندە بولعان لاڭكەستىك شابۋىلدان كەمىندە 22 ادامنىڭ قازا تاپقانىن جانە 63 ادامنىڭ جارالانعانىن راستادى.

بۇل شابۋىل كەشە، ياعني 22 ماۋسىم، جەكسەنبى كۇنى كەشكىسىن – ءدال سول كۇننىڭ كەشىندە، داماسكتا گرەك پراۆوسلاۆ شىركەۋىندە ورىن الدى.

ىشكى ىستەر مينيسترلىگىنىڭ حابارلاۋىنشا، جەكسەنبى كۇنى كەشكىسىن دۋەيلا اۋدانىنداعى پايعامبار ءىليا شىركەۋىندە قارۋلى ادام وق جاۋدىرىپ، ارتىنشا جارىلعىش بەلدىگىن ىسكە قوسقان. ول "يسلام مەملەكەتى" (يم) ۇيىمىمەن بايلانىستا بولعان دەپ بولجانۋدا، بىراق ۇيىم ازىرگە جاۋاپكەرشىلىكتى موينىنا العان جوق.

كۋاگەرلەردىڭ ايتۋىنشا، ادامدار لاڭكەستىڭ شابۋىلىن توقتاتۋعا تىرىسقان. شابۋىلدان كەيىن شىركەۋ ىشىندە قان ىزدەرى، سىنعان تەرەزەلەر مەن بۇلىنگەن ورىندىقتار انىق كورىنگەن.

بۇل – اساد رەجيمىنىڭ قۇلاۋىنان كەيىنگى داماسكىدەگى العاشقى ءىرى تەراكت. گرەك پراۆوسلاۆ پاتريارحاتى شابۋىلدى "قاسكۇنەمدىك زۇلىمدىق" دەپ اتاپ، بيلىكتى شىركەۋلەر مەن بەيبىت تۇرعىنداردىڭ قاۋىپسىزدىگىن قامتاماسىز ەتۋگە شاقىردى.

سيريا ءىىم ءمينيسترى اناس حاتتاب بۇل ارەكەتتى "جانتۇرشىگەرلىك قىلمىس" دەپ اتاپ، تەرگەۋ باستالعانىن مالىمدەدى.

بۇۇ جانە اقش وكىلدەرى شابۋىلدى قاتاڭ ايىپتاپ، سيريا حالقىن تەرروريزم مەن ارازدىققا قارسى بىرىگۋگە ۇندەدى.

ساراپشىلار "يسلام مەملەكەتىنىڭ" سيريادا ءالى دە بەلسەندى ەكەنىن ەسكەرتىپ وتىر. بۇۇ دەرەگىنشە، ەل ىشىندە 1 500-دەن 3 000-عا دەيىن يم مۇشەسى بار. سونىمەن قاتار، 9 000-نان استام سودىر تۇرمەدە، ال 40 000-عا جۋىق وتباسى مۇشەلەرى (ايەلدەر مەن بالالار) بوسقىندار لاگەرىندە ۇستالىپ وتىر.

Abai.kz