قر ىشكى ىستەر مينيسترلىگى ينتەرپول ۇلتتىق ورتالىق بيۋروسىنىڭ سۇراۋى بويىنشا اسا ءىرى كولەمدە الاياقتىق جاسادى دەگەن كۇدىكپەن حالىقارالىق ىزدەۋدە جۇرگەن قازاقستان ازاماتى گرۋزيادا ۇستالدى.

ۆەدومستۆونىڭ مالىمەتىنشە، 2022 جىلى كۇدىكتى تانىسىن الداپ، شامامەن 13 ميلليون تەڭگەگە اۆتونەسيە راسىمدەۋگە كوندىرگەن. قاراجاتتى العان سوڭ اۆتوكولىك ساتىپ الىپ، ءوز مىندەتتەمەلەرىن ورىنداماي، جاسىرىنعان.

«ءىىم „زاڭ مەن ءتارتىپ“ يدەولوگياسى اياسىندا جازادان بۇلتارتپاۋ قاعيداتىن قامتاماسىز ەتۋ بويىنشا جۇيەلى جۇمىستاردى جالعاستىرۋدا»، — دەلىنگەن ءىىم حابارلاماسىندا.
ايتا كەتەيىك، جاسى ەلۋدەن اسقان ادامدار ينتەرنەت الاياقتارىنا ءجيى الدانادى.

Abai.kz