جۇما, 4 شىلدە 2025
جاڭالىقتار 174 0 پىكىر 4 شىلدە, 2025 ساعات 13:15

گازاداعى سوعىس: ءبىر كۇندە 118 ادام قازا تاپتى

يزرايل ارمياسىنىڭ گازا سەكتورىنا جاساعان كەزەكتى اۋە سوققىلارى سالدارىنان سوڭعى تاۋلىكتە كەم دەگەندە 118 پالەستينالىق قازا تاۋىپ، 581 ادام جارالانعان.

تەلەارنانىڭ مالىمەتىنشە، اقش پەن يزرايل قولداۋ كورسەتكەن گۋمانيتارلىق كومەك ورتالىقتارىنا دا شابۋىل جاسالعان. بۇل نىسانداردا 12 ادام كوز جۇمىپ، 49 ادام جاراقات العان.

سوڭعى بىرنەشە كۇن ىشىندە ايماقتاعى جاعداي كۇرت ۋشىعىپ وتىر. تەك سوڭعى 48 ساعاتتىڭ ىشىندە 300-دەن استام ادامنىڭ قازا تاپقانى بەلگىلى بولدى. Al Jazeera اقپاراتىنا سايكەس، اۋە سوققىلارىنىڭ باسىم بولىگى بەيبىت تۇرعىندار شوعىرلانعان باسپانالار مەن قونىس اۋدارۋشىلار ورتالىقتارىن نىساناعا العان.

يزرايل تاراپى بۇل ارەكەتتەردى حاماس ۇيىمىنىڭ اسكەري ينفراقۇرىلىمىنا قارسى باعىتتالعان شارالار رەتىندە سيپاتتايدى. الايدا، تاۋەلسىز دەرەككوزدەر مەن حالىقارالىق گۋمانيتارلىق ۇيىمدار شابۋىلداردان بەيبىت حالىقتىڭ جاپا شەگىپ جاتقانىن ايتادى.

Abai.kz
0 پىكىر