ەلىمىزدە مۋزەيلەر مەن تاريحي نىسانداردى تسيفرلاندىرۋ ارقىلى حالىقتىڭ مادەني مۇراعا قولجەتىمدىلىگىن ارتتىرۋ كوزدەلىپ وتىر. بۇل تۋرالى مادەنيەت جانە اقپارات ءمينيسترى ايدا بالاەۆا Aiqyn گازەتىنە بەرگەن سۇحباتىندا ايتتى.

بيىل قازاقستان مۋزەيلەرىنىڭ بىرىڭعاي ۆيرتۋالدى الاڭى – E-museum ۆەب-پورتالى ىسكە قوسىلماق. بۇل پلاتفورما ارقىلى الەمنىڭ كەز كەلگەن نۇكتەسىندەگى قولدانۋشىلار ەلىمىزدىڭ مادەني مۇراسىن 3D ۇلگىلەر مەن ينتەراكتيۆتى فورماتتا كورۋگە مۇمكىندىك الادى.

مادەنيەت تسيفرلانباسا – ول تۇيىق­تالادى. قازىرگى ۇرپاق اقپاراتتى ۆيزۋالدى، ينتەراكتيۆتى تۇردە قابىلدايدى. دەمەك، ەگەر ءبىز جاستاردى ۇلتتىق مادەنيەتكە تارتقىمىز كەلسە، ونى سولاردىڭ تىلىمەن، تسيفرلىق ورتادا سويلەتۋىمىز كەرەك. بۇعان قوسا، تسيفرلاندىرۋ – مۇرانى ساقتاۋ كەپىلى. قاعاز قۇجات پەن قولجازبا توزادى، بىراق تسيفرلىق نۇسقا ماڭگى ساقتالادى ءارى الەمنىڭ كەز كەلگەن جەرىنەن قولجەتىمدى بولادى. – دەپ اتاپ ءوتتى مينيستر.

سونىمەن قاتار، ايشا ءبيبى كەسەنەسىنە ەلەكتروندىق بيلەت، Face ID جانە تۋرنيكەت ورناتۋ ارقىلى تۋريستىك تابىس مامىر-ماۋسىم ايلارىندا 4,3 ملن تەڭگەگە جەتكەن.

Abai.kz