ءدۇيىم ەلدىڭ الدىندا، الەم قاۋىمداستىعىنىڭ الدىندا تاعى دا ۇياتقا قالدىق. بۇل جولى ءبىزدىڭ بيلىك اللانىڭ ادامزاتقا سىيلاعان ەڭ ۇلى كىتابى  قۇراننىڭ كەيبىر سۇرەلەرىن ەكسترەميستىك باعىتتا دەپ ايىپتاپ، وقۋعا جانە تاراتۋعا تيىم سالدى.

بۇنداي سوراقىلىق الەمدە ءبىرىنشى رەت ءبىزدىڭ ەلدە،  دىندەر ىمىراسىنا ۇيىتقى بولامىز دەپ جيىن وتكىزەتىن، سول جيىنعا ارناپ پۇتقانا-پيراميدا تۇرعىزعان، بارلىق دىندەردىڭ ەركىن ەتەك جايىپ، ءتىپتى سەكتالاردىڭ دا سەكەمسىز جۇمىس ىستەۋىنە جاعداي جاساپ بەرىپ وتىرعان ەلدە بولدى. قازىر بۇل ماسەلە الەمنىڭ مۇسىلمان قاۋىمىن ەلەڭدەتىپ، ولاردىڭ تاراپىنان ايتارلىقتاي نارازىلىق تۋدىرىپ وتىر.

ءدۇيىم ەلدىڭ الدىندا، الەم قاۋىمداستىعىنىڭ الدىندا تاعى دا ۇياتقا قالدىق. بۇل جولى ءبىزدىڭ بيلىك اللانىڭ ادامزاتقا سىيلاعان ەڭ ۇلى كىتابى  قۇراننىڭ كەيبىر سۇرەلەرىن ەكسترەميستىك باعىتتا دەپ ايىپتاپ، وقۋعا جانە تاراتۋعا تيىم سالدى.

بۇنداي سوراقىلىق الەمدە ءبىرىنشى رەت ءبىزدىڭ ەلدە،  دىندەر ىمىراسىنا ۇيىتقى بولامىز دەپ جيىن وتكىزەتىن، سول جيىنعا ارناپ پۇتقانا-پيراميدا تۇرعىزعان، بارلىق دىندەردىڭ ەركىن ەتەك جايىپ، ءتىپتى سەكتالاردىڭ دا سەكەمسىز جۇمىس ىستەۋىنە جاعداي جاساپ بەرىپ وتىرعان ەلدە بولدى. قازىر بۇل ماسەلە الەمنىڭ مۇسىلمان قاۋىمىن ەلەڭدەتىپ، ولاردىڭ تاراپىنان ايتارلىقتاي نارازىلىق تۋدىرىپ وتىر.

بىرقاتار ۇنپاراق جانە كىتاپتارمەن بىرگە كەيبىر سۇرەلەردىڭ اۋديوجازباسىنا تيىم سالۋ تۋرالى استانا قالالىق سوتىنا باس پروكۋراتۋرا ارىزدانعان. قازاقشىلىعى «سالاماتسىزدان» اسپايتىن، دىنشىلدىگى قول جايۋعا عانا جەتەتىن ماڭگۇرتتەردىڭ ءىسى بولدى بۇل. ولاردىڭ ءبىلىمىنىڭ «بيىكتەگەنى» سونشاما قۇران سۇرەلەرى «ۋاحابشىلدىقتى» ۋاعىزدايتىنىن «انىقتاپتى». تيىم سالىنعان سۇرەلەر مىنالار - "احكاف" (قۇمدار), "مۇحامماد", "فاتح" (جەڭىس), "حۇجرات" (بولمەلەر), "كاف", "تاباراك" (بيلىك), "كالام" (جازۋ تاياقشاسى), "حاككا" (اقيقات), "ماعريج" (باسپالداقتار), "نۇح", "جىن", "مۇزامميل", "مۇدداسير", "قيامەت" (قايتا ءتىرىلۋ), "ينسان" (ادامزات), "مۇرسالات" (جولداۋ), ء"ال-باقارا". ۇنپاراقتار جانە كىتاپتارمەن بىرگە اتالعان سۇرەلەردى دە قازاقستان اۋماعىنا اكەلۋگە، تاراتۋعا تيىم سالىنعان. دەمەك، قۇرانعا تيىم سالىپ وتىر.

قمدب بولسا استانا قالالىق سوتىنىڭ شەشىمىن تەك ەكسرەميستىك «حيزب-ۋت-تاحرير» ۇيىمىنىڭ ءىس-ارەكەتىنە قارسى شارا، ال سۇرەلەرگە تيىم سالۋ تۋرالى اڭگىمە جوق، ازداعان تەحنيكالىق قاتە كەتكەن شىعار دەپ جۋىپ-شايدى. الايدا بۇل وسىلايشا جىلى جاۋىپ قويا سالۋعا بولاتىن ءىس پە؟ بۇل سوتتىڭ كاسىبي بىلىكسىزدىگىن، ادام تاعدىرىن شەشەتىن ىسكە سالدىر-سالاق قارايتىنىن، ءبىلىمى تاياز ەكەنىن كورسەتپەي مە؟ وسىدان كەيىن ءبىزدىڭ سوت ادىلەتتى ەمەس، جەمقور دەگەنگە قالاي سەنبەسسىڭ! اقيقاتىنا ءبىر اللا ءوزى كۋالىك ەتكەن قۇراننان قۇدايسىز سۋديا نە كىنا تاپتى؟ نەگە ول وزىنە بەرىلگەن بيلىكتى ساناسىز پايدالانىپ ءوزى ءومىر ءسۇرىپ وتىرعان وتانىنىڭ ابىرويىن ايرانداي توگىپ، ەل ەستىمەگەن، اقىلعا قونىمسىز، ادامگەرشىلىككە جات شەشىم شىعارادى؟ مۇنداي ماسقاراشىلىققا ورىن بەرگەن سوڭ دا ول سولاي سۋديا بولىپ قاسقايىپ قاراپ وتىرا بەرە مە؟ قۇدايدان قورىقپايتىن قازىدان حالقىنا قايىر بار ما؟! كورسەتكىشكە قۇل بولعان قۇقىق قورعاۋشىلار وسىنداي ماسقاراشىلىق جولمەن حالقىنا قىزمەت ەتپەك پە؟ ۇيات-اي! وزگە دىندەردى ەركىنسىتۋ بايگەسىندە باس جۇلدەنى بەرمەيتىن قازاقستان اتا-باباسى ۇستانعان ءوز ءدىنىن وسىلايشا قورلاۋدا.

ساناسىز سۋديانىڭ ساندىراعىنا بارشا مۇسىلمان قاۋىمى قارسىلىق بىلدىرۋدە. ءيا، ۇلىق ءدىن يسلام ەشقاشان قانتوگىستى، قارا پيعىلدى ەكسترەميزمدى قولداعان ەمەس. ونداي اعىمدارعا تيىم سالىنعانى ءجون. بىراق قىزدى-قىزدىمەن ارتىمىزدى اشۋعا بولمايدى عوي. سوندىقتان سوت، پروكۋراتۋرا، قۇقىق قورعاۋ ورىندارىن باس ال دەسە شاش الاتىن جاندايشاپتاردان تازالاۋ قاجەت. ايتپەسە، ەكسترەميزممەن كۇرەس ەرتەگى بولىپ قالادى. سوڭعى ۋاقىتتا ەلىمىزدىڭ ءار وڭىرىندە ەكسترەميستەرمەن «بايلانىسى» بار «تەرروريستەر» تۇتقىندالىپ جاتىر. الدى ءتىپتى قوي قۇمالاعىنداي قورعاسىننان اجال قۇشىپ سۇيەگى جات جەردە قالدى. اقتاۋلىق جىگىتتەردى ايتامىز. بۇعان كىم كىنالى؟ ەڭ الدىمەن كورسەتكىش قۋعان پوليتسەيلەر، كورسوقىر سوتتار، پاراقور پروكۋرورلار مەن جەمقور شەنەۋنىكتەر كىنالى. ولار يسلامنىڭ اقيقاتىن بىلمەيدى، ءدىننىڭ بار ءبىلىمنىڭ باسى ەكەنىن تۇسىنبەيدى. جاستاردى جات جولعا جاعىمسىز قىلىقتارىمەن وزدەرى يتەرمەلەيدى. مسەلەن، قۇراننان كەيىنگى كيەلى كىتابىمىز كونستيتۋتسيانىڭ ءوزىن بەلدەن باسىپ وتىرىپ سوراقى شەشىم شىعارعان سوت تا ءوز ارەكەتى ارقىلى بولاشاقتا بيلىككە نارازى بولاتىن ءدىندارلاردىڭ قاراسىن كوبەيتەدى. ال ءبىزدىڭ بيلىك ولاردى ءبىر اۋىزدان ەكسترەميستەر دەپ باعالايدى. ءسويتىپ ەكسترەميزمنىڭ ەلەسىن وزدەرى قوزدىرۋدا.

قۇدايسىزدار قۇراننان نە كىنا تاپتى ەكەن؟..

«اباي-اقپارات»