ساۋدا جانە ينتەگراتسيا ءمينيسترى ارمان شاققاليەۆتىڭ سوزىنشە، بۇل ۇكىمەت باسشىسىنىڭ تاپسىرماسىمەن جۇزەگە اسىپ جاتىر. ءوز دەڭگەيىندە ارتىقشىلىققا دا يە. 

– ۇكىمەت باسشىسىنىڭ تاپسىرماسى بويىنشا يننوۆاتسيالىق اگروماركەتپلەيس ازىرلەپ جاتىرمىز. بۇل جۇيە وندىرۋشىلەر، ساۋدا جەلىلەرى جانە مەملەكەتتىك ورگاندار اراسىندا تىكەلەي تسيفرلىق بايلانىس ورناتىپ، دەلدالداردى جانە اشىق ەمەس وتكىزۋ سحەمالارىن جويادى، – دەدى ول. 

مينيستر جاڭا فورماتتاعى وتاندىق B2B پلاتفورماسىنىڭ ارتىقشىلىقتارىنا دا توقتالىپ ءوتتى.

– ول كوتەرمە يمپورتتى رەتتەۋگە شاعىن جانە ورتا بيزنەستى قولداۋعا باعىتتالعان. وسىعان وراي وتاندىق ەلەكتروندىق پلاتفورمانى ازىرلەپ، شەتەلدىك ەلەكتروندىق پلاتفورمالارمەن ينتەگراتسيالاۋ جوسپاردا بار. قازىر پلاتفورمانى تولىق ىسكە اسىرۋ ءۇشىن سەرتيفيكاتتاۋ راسىمىندەگى تەحنيكالىق كەدەرگىنى جويۋ ماسەلەسىن ناقتىلاپ جاتىرمىز، – دەپ اشىق ايتتى مينيستر. 

Abai.kz