ۇلتتىق بانك توراعاسى تيمۋر سۇلەيمەنوۆ الداعى جىلى ينفلياتسيا دەڭگەيى قانداي بولاتىنىنا بولجام جاسادى، دەپ حابارلايدى Ulysmedia.kz.

سۇلەيمەنوۆتىڭ ايتۋىنشا، ۇلتتىق بانك 2026 جىلعا ينفلياتسيانى 9,5–11,5% دەڭگەيىندە كۇتىپ وتىر.

- ۇكىمەت ورتاشا ەسەپپەن 10%-دى الادى. بۇل بيۋدجەت پەن ءبىزدىڭ ماقساتتارىمىزعا جانە كرەديتتىك ساياساتىمىزعا سايكەس كەلەتىن كورسەتكىش دەپ سانايمىز. بارلىق تاۋەكەلدەر، شارالار جانە سالىق رەفورماسىن ەسكەرە وتىرىپ، ءبىز شىن مانىندە وسىنداي دەڭگەيدى كورىپ وتىرمىز، – دەدى ول.

نەدەن قىمباتشىلىق بولادى؟

ۇلتتىق بانك باسشىسى ناقتى قاي تاۋارلار مەن قىزمەتتەر قىمباتتايتىنىن ايتۋ قيىن ەكەنىن اتاپ ءوتتى. ونىڭ ايتۋىنشا، سالىق رەفورماسىنا بايلانىستى كۇتىلەتىن اسەردىڭ ايتارلىقتاي بولىگى قازىردىڭ وزىندە باعالار مەن تاريفتەرگە ىقپال ەتە باستاعان.

- كەلەسى جىلى قوسىمشا قۇن سالىعىنىڭ ەنگىزىلۋىنەن ايتارلىقتاي قىمباتتاۋ كۇتىپ وتىرعان جوقپىز. ويتكەنى ينفلياتسيالىق كۇتۋلەرگە نەگىزدەلگەن باعا مەن تاريفتەردىڭ ءوسۋى ءبىز ءۇشىن قازىردىڭ وزىندە بايقالدى، – دەدى سۇلەيمەنوۆ.

Abai.kz