قازاقستاندا اۆتوموبيل جولدارىن باقىلاۋ ءۇشىن SRDS (Smart Roads Diagnostics System) جۇيەسى ەنگىزىلدى. بۇل جۇيەنى جول اكتيۆتەرىنىڭ ۇلتتىق ساپا ورتالىعى ازىرلەپ، پاتەنتتەگەن.

جاساندى ينتەللەكتتىڭ كومەگىمەن ءار 100 شاقىرىمدى قامتيتىن دەرەكتەردى وڭدەۋ ۋاقىتى 4 كۇننەن 4 ساعاتقا دەيىن قىسقاردى. SRDS جول جامىلعىسىنداعى شۇڭقىرلار مەن ويىقتاردى اۆتوماتتى تۇردە انىقتاپ، ولاردىڭ كولەمى مەن ۇزىندىعىن ولشەيدى.

سۋرەت: gov.kz سايتىنان الىندى.

دياگنوستيكا ارنايى جىلجىمالى زەرتحانالار ارقىلى جۇرگىزىلەدى. جىل سايىن جاساندى ينتەللەكتتىڭ كومەگىمەن 15 مىڭ كم رەسپۋبليكالىق جانە شامامەن 5 مىڭ كم جەرگىلىكتى جولدار تەكسەرىلەدى.

جۇيە ناتيجەلەرى جوندەۋ جانە رەكونسترۋكتسيالاۋ شەشىمدەرىنىڭ نەگىزىنە الىنىپ، جول قاۋىپسىزدىگىن ارتتىرۋعا، ءتيىمدى جوسپارلاۋعا جانە بيۋدجەت قاراجاتىن ۇتىمدى پايدالانۋعا مۇمكىندىك بەرەدى.

Abai.kz