ءماجىلىستىڭ بۇرىنعى سپيكەرى نۇرلان نىعماتۋلليننىڭ ۇلى نۇرحان نۇرلانۇلىنا قاتىستى ءىس توقتاتىلدى.

بۇل تۋرالى قارجى مونيتورينگى اگەنتتىگى توراعاسىنىڭ ورىنباسارى جەڭىس ەلەمەسوۆ مالىمدەدى.

«ەشقانداي وزگەرىس جوق. بۇعان دەيىن الماتى قالاسى ەكونوميكالىق تەرگەۋ دەپارتامەنتىنىڭ وندىرىسىندە قىلمىستىق ءىس بولعان. اتالعان ءىس حالىقارالىق تەرگەۋ تاپسىرماسىنىڭ جولدانۋىنا بايلانىستى ۋاقىتشا توقتاتىلدى», - دەپ جاۋاپ بەردى جەڭىس ەلەمەسوۆ سەناتتىڭ كۋلۋارىندا بەرگەن سۇحباتىندا.

سونىمەن قاتار قما باسشىسىنىڭ ورىنباسارى نۇرلان نىعماتۋلليننىڭ ۇلى نۇرحان نۇرلانۇلىنىڭ ىستەگى مارتەبەسىنە توقتالدى.

«ازىرگە ول كۋاگەر. ءبىزدىڭ سۇرانىسىمىزعا قاتىستى اقپارات كەلگەن سوڭ مارتەبەسى انىقتالادى», - دەپ ناقتىلادى قما وكىلى.

Abai.kz