مەملەكەت باسشىسىنىڭ قازاقستان حالقىنا جولداۋىندا ايتىلعان ناقتى تاپسىرمالارعا سايكەس، ەنەرگەتيكا مينيسترلىگى ەنەرگەتيكا سالاسىندا بىرقاتار نەگىزگى مىندەتتەردى، سونىڭ ىشىندە سۇيىتىلعان مۇناي گازىنا (سمگ) ىشكى قاجەتتىلىكتى قامتاماسىز ەتۋدى جۇزەگە اسىرۋدا. ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ پرەزيدەنت جولداۋىندا ايتىلعان جۇمىستاردى جۇزەگە اسىرۋ شارالارى تۋرالى باياندادى.

سمگ تەك جانارماي رەتىندە عانا ەمەس، سونىمەن قاتار مۇناي-حيميا ونەركاسىبى ءۇشىن شيكىزات رەتىندە پايدالانىلاتىن ستراتەگيالىق رەسۋرس بولىپ سانالادى. حالىقتى جانە ونەركاسىپتىك تۇتىنۋشىلاردى ۇزدىكسىز قامتاماسىز ەتۋ ءۇشىن ەنەرگەتيكا مينيسترلىگى سمگ-نى تاۋار بيرجالارىنان تىس جەتكىزۋدىڭ توقسان سايىنعى جوسپارىن قالىپتاستىرادى.

«بەكىتىلگەن جوسپارعا سايكەس، 10 زاۋىت وندىرەتىن 130–140 مىڭ توننا سۇيىتىلعان گاز اي سايىن وڭىرلەرگە تاراتىلادى. مۇناي-حيميا ونىمدەرىن ءوندىرۋ ءۇشىن سمگ پايدالاناتىن ونەركاسىپ ورىندارىنا بولەك كولەمدە جىبەرىلەدى. بۇدان بولەك، 2026 جىلدىڭ سوڭىنان باستاپ قاشاعان كەن ورنىنداعى «بولاشاق» زاۋىتىنان سمگ جەتكىزۋ جوسپارلانىپ وتىر. وندىرىلگەن ءونىمنىڭ 65 پايىزى نەمەسە 455 مىڭ تونناسى كوممەرتسيالىق تۇتىنۋشىلارعا، سونىڭ ىشىندە مۇناي-گاز حيمياسى جوبالارىنا ساتىلاتىن بولادى»، – دەپ اتاپ ءوتتى ەرلان اككەنجەنوۆ.

قابىلدانعان شارالار ىشكى نارىقتى تۇراقتاندىرىپ قانا قويماي، سونىمەن قاتار سمگ وڭدەۋدى دامىتادى. بۇل ۇزاقمەرزىمدى پەرسپەكتيۆادا گاز-حيميالىق وڭدەۋدى تەرەڭدەتۋگە جانە سالاداعى قوسىلعان قۇننىڭ وسۋىنە ىقپال ەتەدى.

Abai.kz