بۇگىن وبلىس اكىمى بەيبىت يساباەۆتىڭ توراعالىعىمەن ەل پرەزيدەنتىنىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى قازاقستان حالقىنا جولداۋىن ىسكە اسىرۋ جونىندە جيىن ءوتتى. جيىنعا وبلىستىق باسقارمالاردىڭ باسشىلارى، قوعامدىق ۇيىمداردىڭ وكىلدەرى، سول سياقتى ونلاين رەجيمدە اۋدان-قالا اكىمدىكتەرىنىڭ قىزمەتكەرلەرى قاتىستى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

وبلىس اكىمى ءوز سوزىندە مەملەكەت باسشىسى جۇكتەگەن جەتى ناقتى مىندەتكە باسا نازار اۋداردى. اتاپ ايتقاندا، ينۆەستيتسيا تارتۋ، وڭدەۋ ونەركاسىبىن، كولىك-لوگيستيكا سالاسىن دامىتۋ، اۋىل شارۋاشىلىعىن جاڭا دەڭگەيگە كوتەرۋ، تۇرعىن ءۇي-كوممۋنالدىق شارۋاشىلىعى مەن سۋ ينفراقۇرىلىمىن جاڭعىرتۋ، كاسىپكەرلەردىڭ تسيفرلىق دامۋدىڭ قوزعاۋشى كۇشى رەتىندەگى ءرولىن نىعايتۋ، ادام كاپيتالىن دامىتۋ ارقىلى ەكونوميكانى جان-جاقتى جاڭعىرتۋ ماسەلەلەرىنە كەڭىنەن توقتالدى.

ماسەلەن، وڭىردە قولايلى ينۆەستيتسيالىق احۋالدى قالىپتاستىرۋدىڭ ارقاسىندا وبلىس قۇرىلعاننان بەرى 1,2 ترلن. تەڭگە ينۆەستيتسيا تارتىلعان. بيىلعى جىلى جالپى سوماسى 37 ملرد. تەڭگەنى قۇرايتىن 14 ءىرى جوبانى ىسكە اسىرۋ جوسپارلانىپ وتىر، بۇل 830-دان استام جاڭا جۇمىس ورنىن اشۋعا مۇمكىندىك بەرەدى. بۇل رەتتە ايتارلىقتاي ينۆەستيتسيالىق جانە لوگيستيكالىق الەۋەتكە يە، بەلسەندى جۇمىس ىستەپ تۇرعان ەكى ارنايى ەكونوميكالىق ايماقتى دامىتۋعا اۋدارىلىپ وتىر. وسى ورايدا ءوڭىر باسشىسى ينۆەستورلارمەن جۇيەلى جۇمىس جۇرگىزۋدىڭ ءتيىمدى مودەلىن ەنگىزىپ، جوسپارلانعان ينۆەستيتسيالىق جوبالاردىڭ بەلگىلەنگەن مەرزىمدە ىسكە اسىرىلۋىن قاتاڭ باقىلاۋ قاجەتتىگىن باسا ايتتى.

سونىمەن قاتار وبلىس وڭدەۋ ونەركاسىبىن دامىتۋدا جوعارى الەۋەتكە يە. وسىعان وراي جوعارى تەحنولوگيالىق وندىرىستەردى دامىتۋ ستراتەگيالىق باعىت رەتىندە بەلگىلەنىپ وتىر. بۇل رەتتە وڭىردە كوكساي مىس وڭدەۋ زاۋىتىن سالۋ جوباسىنىڭ ماڭىزى زور بولماق.

ال اۋىل شارۋاشىلىعىندا جىل باسىنان 54,3 ملرد. تەڭگەگە تاماق ونىمدەرى ءوندىرىلىپ، ناقتى يندەكس كولەمى 112,3% قۇراعان.

- الدىمىزدا مەملەكەت باسشىسى تاپسىرعان اۋىل شارۋاشىلىعىن جاڭا دەڭگەيگە كوتەرۋ مىندەتى تۇر. وبلىستا اۋىل شارۋاشىلىعى ونىمدەرىنىڭ شيكىزاتىن قايتا وڭدەۋ ۇلەسى 68%-عا جەتتى. مۇنىمەن شەكتەلىپ قالماي، وڭدەۋ ءىسىن ودان ءارى ارتتىرۋ ءۇشىن قولدا بار مۇمكىندىكتەردى پايدالانىپ، ناقتى شارالار قابىلداۋىمىز كەرەك. ول ءۇشىن ءتيىستى سالا باسشىلارىنا ۇزدىك اگروتاجىريبەنى ەنگىزە وتىرىپ، اگروحابتار مەن لوگيستيكا ورتالىقتارىن قۇرۋدى، مال شارۋاشىلىعىن قولداۋ ارقىلى ىشكى نارىقتى ەتپەن، سۇتپەن جانە باسقا دا اۋىل شارۋاشىلىعى ونىمدەرىمەن قامتاماسىز ەتىپ، ەكسپورتتى ارتتىرۋدى تاپسىرامىن، - دەدى ب. يساباەۆ.

مۇنان سوڭ كولىك-لوگيستيكا سەكتورىن دامىتۋ ماسەلەسىنە توقتالعان ءوڭىر باسشىسى ءتيىستى باسقارمالارعا وسى سالادا جاساندى ينتەللەكتىنى قولدانا وتىرىپ، كولىك تاسىمالدارىن باسقارۋدىڭ كوپ فۋنكتسيالى تسيفرلىق پلاتفورماسىن ەنگىزۋدى جەدەلدەتۋ، شەكارادا اۆتوكولىك تاسىمالداۋشىلارعا كورسەتىلەتىن قىزمەت ساپاسىن جاقسارتۋ مىندەتتەرىن جۇكتەدى.

سول سياقتى تۇرعىن ءۇي-كوممۋنالدىق شارۋاشىلىعى مەن سۋ ينفراقۇرىلىمىن جاڭعىرتۋ، سۋ ۇنەمدەۋ تەحنولوگياسىن ەنگىزۋ، ەلدى مەكەندەردى اباتتاندىرۋ، الەۋمەتتىك سالانى دامىتۋ، كادر دايارلاۋ ت.ب. ماسەلەلەرگە دە كەڭىنەن توقتالدى. بۇدان بولەك، كاسىپكەرلەر تسيفرلىق دامۋدىڭ قوزعاۋشى كۇشى بولۋى كەرەكتىگىن جەتكىزىپ، شاعىن جانە ورتا بيزنەستى دامىتۋداعى مىندەتتەردى دە اتاپ ءوتتى.

ءوڭىر باسشىسى وبلىستا ءالى دە وزەكتى بولىپ وتىرعان بىرقاتار پروبلەمالاردى نازاردان تىس قالدىرعان جوق. سونىڭ ىشىندە قايتارىلعان اۋىل شارۋاشىلىعى جەرلەرىن قايتا اينالىمعا ەنگىزۋ ماسەلەسىندە شيراقتىق كەرەك ەكەنىن قاداپ ايتتى. سونداي-اق ەلەكترمەن جابدىقتاۋ جەلىلەرىنىڭ توزۋىن تومەندەتۋدى رەسپۋبليكاداعى ورتاشا كورسەتكىشكە جەتكىزۋ مىندەتىن قويدى. سونىمەن بىرگە اتاۋلى الەۋمەتتىك كومەكتىڭ شىن مۇقتاج جاندارعا عانا كورسەتىلۋى ءتيىس ەكەنىن تىلگە تيەك ەتىپ، جەرگىلىكتى جەرلەردە وسىعان قاتىستى جاعدايدى ەگجەي-تەگجەيلى زەردەلەۋدى تاپسىردى. ءسوزىنىڭ سوڭىندا وبلىس اكىمى تسيفرلاندىرۋدىڭ اسا ماڭىزدى كەزەڭى باستالعانىن ايتىپ:

- ۋاقىت تالابىنا ساي ءوڭىردى دامىتۋ ەڭ الدىمەن جۇمىستى دۇرىس ۇيىمداستىرا بىلۋمەن قاتار تسيفرلاندىرۋ جۇيەسىن ەنگىزۋ دەڭگەيىنە بايلانىستى. سوندىقتان الداعى ۋاقىتتا تسيفرلىق تەحنولوگيالار باسقارماسى وتە بەلسەندى جۇمىس ىستەپ، جاساندى ينتەللەكتىنى بارلىق سالاعا قارقىندى ەنگىزۋدىڭ العى شەبىندە ءجۇرۋى ءتيىس. بىلىكتى، ءبىلىمدى جەرگىلىكتى ءىت ماماندارىمىزدى قالىپتاستىرۋىمىز كەرەك. الدىمىزدا ۇلكەن ىستەردى ناتيجەلى جۇزەگە اسىرۋ مىندەتى تۇر. ول ءۇشىن ءبىزدىڭ وبلىستا بارلىق مۇمكىندىكتەر بار. سوندىقتان وسى ايتىلعان ماقسات-مىندەتتەردى وزدەرىڭىزبەن بىرلەسىپ ساپالى اتقارامىز دەپ سەنەمىن، - دەدى ب. يساباەۆ.

Abai.kz