قىرعىزستاننىڭ بۇرىنعى پرەزيدەنتى المازبەك اتامباەۆتىڭ وتباسى كوي-تاشتاعى رەزيدەنتسياسىنان شىعارىلدى، دەپ حابارلايدى Ulysmedia.kz.

بۇرىنعى پرەزيدەنتتىڭ ۇلى مەن قىزىنىڭ ايتۋىنشا، ميليتسيا ەسىكتى «بولگاركامەن» كەسىپ اشىپ، زاتتاردى كوشەگە شىعارعان. ەندى وتباسى ۋاقىتشا تۋىستارىنىڭ ۇيىندە تۇرادى. قادىربەك اتامباەۆ ازاماتتارعا قولداۋ كورسەتكەنى ءۇشىن العىس ءبىلدىرىپ:

- ءبىز ءۇشىن ەڭ باستىسى — حالقىمىزبەن بىرگە بولۋ، — دەدى.

ەندى رەزيدەنتسيا نە بولماق

Kaktus Media مالىمەتىنشە، اتامباەۆتار رەزيدەنتسياسىنىڭ ورنىنا قارتتار ءۇيى مەن بالاباقشا سالۋ جوسپارلانىپ وتىر. ال وتباسى بۇل رەزيدەنتسيانىڭ ولاردىڭ جالعىز باسپاناسى ەكەنىن ايتىپ، سوت پروتسەسى ءالى دە جالعاسىپ جاتقانىن جەتكىزدى.

الدىڭعى كۇنى بەلگىسىز ادامدار كوي-تاشتاعى ۇيگە ەكى رەت شابۋىل جاساۋعا ارەكەتتەنگەن. بۇعان دەيىن رايسا اتامباەۆانىڭ باستاماسىمەن وتباسى بيلىككە جانە قىرعىزستان حالقىنا رەسمي تۇردە جۇگىنگەن بولاتىن.

Abai.kz