"قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق زاڭنامانى وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭنىڭ قابىلدانۋى ازاماتتاردىڭ قۇقىقتارىن قورعاۋ ىسىندە ماڭىزدى قادام بولدى، - دەپ حابارلايدى Polisia.kz.

بۇل زاڭداعى باستى جاڭالىقتاردىڭ ءبىرى – "ستالكينگ" ءۇشىن قىلمىستىق جاۋاپكەرشىلىكتىڭ ەنگىزىلۋى. ستالكينگ – بۇل زورلىق-زومبىلىق قولدانىلماسا دا، ادامنىڭ پسيحولوگيالىق جاعدايىنا ەلەۋلى زيان كەلتىرەتىن، ەركىنەن تىس تۇراقتى تۇردە قۋدالاۋ، ارتىنان قالماۋ ارەكەتتەرى.

ستالكينگكە مىناداي ءىس-ارەكەتتەر جاتادى: ايتارلىقتاي زيان كەلتىرىپ، ادامنىڭ جەكە شەكاراسىن بۇزىپ، ەركىنەن تىس ونىڭ ىزىنە ءتۇسۋ، قايتا-قايتا تەلەفون سوعۋ، ينتەرنەت ارقىلى باقىلاۋمەن قورقىنىش نەمەسە الاڭداۋشىلىق سەزىمىن تۋدىرۋ.

ەندى مۇنداي ارەكەتتەر ءۇشىن 200 ايلىق ەسەپتىك كورسەتكىشكە دەيىن ايىپپۇل سالۋ، 200 ساعاتقا دەيىن قوعامدىق نەمەسە تۇزەۋ جۇمىستارىنا تارتۋ، 50 تاۋلىككە دەيىن قاماۋعا الۋ تۇرىندەگى جازا قاراستىرىلعان. زاڭ ءاربىر ادامنىڭ جەكە كەڭىستىگىنە قۇرمەتپەن قاراۋ قاجەتتىگىن ايقىنداپ، پسيحولوگيالىق زورلىق-زومبىلىق پەن قۋدالاۋدىڭ الدىن الۋعا باعىتتالعان.

Abai.kz