ونىڭ ايتۋىنشا، بۇگىندە جەڭىلدەتىلگەن سالىق رەجيمىندە جۇمىس ىستەپ كەلگەن كاسىپكەرلەردىڭ بارلىعى بۇل جۇيەدە قالا بەرەدى. رۇقسات ەتىلگەن قىزمەت تۇرلەرىنە مىنالار كىرەدى:

• بولشەك ساۋدا (2000 شارشى مەتردەن اساتىن ءىرى فورماتتاعى نىسانداردى قوسپاعاندا);
• اۋىل جانە ورمان شارۋاشىلىعى، اكۆاكۋلتۋرا;
• كرەاتيۆتى يندۋستريا، مادەنيەت پەن سپورت;
• تەحنيكالىق قىزمەت كورسەتۋ، جوندەۋ، كولىك پەن پوشتا (قىزمەت تۇرىنە قاراي سارالاۋ جۇرگىزىلەدى);
• جىلجىمايتىن مۇلىك پەن كولىكتى جالعا بەرۋ (بيزنەستىڭ دەڭگەيىنە قاراي سارالانادى);
• تۇرمىستىق قىزمەتتەر;
• دەنساۋلىق ساقتاۋ مەن الەۋمەتتىك قىزمەتتەر (جەكەلەگەن تۇرلەرى);
• قۇرىلىس جۇمىستارى (كەيبىر تۇرلەرى جەڭىلدەتىلگەن رەجيمدە قالادى);
• قوعامدىق تاماقتانۋ: مەيرامحانالار، ءدامحانالار;
• بازارلار مەن ءۇي جانىنداعى دۇكەندەر;
• مەكتەپكە دەيىنگى ءبىلىم بەرۋ.

جۇمانعاريننىڭ ايتۋىنشا، جەڭىلدەتىلگەن رەجيمدە شامامەن 1,3 ملن كاسىپكەر مەن 318 قىزمەت ءتۇرى قالادى.

قاي سالالارعا تىيىم سالىنۋى مۇمكىن؟

ال «تىيىم سالىنعان تىزىمگە» كىرۋى ىقتيمال سالالار قاتارىنا مىنالار جاتادى:

• وڭدەۋ ونەركاسىبىنىڭ ءىرى سەگمەنتى;
• كوتەرمە ساۋدا;
• ءىرى ساۋدا ورتالىقتارى;
• جەر قويناۋىن پايدالانۋ;
• قارجى سەكتورى;
• كاسىبي قىزمەتتەر;
• اقپاراتتىق تەحنولوگيالار مەن تەلەكوممۋنيكاتسيالار;
• قۇرىلىس جۇمىستارىنىڭ ءبىر بولىگى;
• جالعا بەرۋ جانە ليزينگ;
• مەديتسينالىق قىزمەتتىڭ كەيبىر تۇرلەرى;
• مادەنيەت، بالىق شارۋاشىلىعى، قۇمار ويىندار جانە تاعى باسقالارى.

بۇل شامامەن 500 مىڭ كاسىپكەردى جانە 790 ءتۇرلى قىزمەتتى قامتۋى مۇمكىن. ءمينيستردىڭ سوزىنشە، ءتىزىم ازىرگە دايىن ەمەس. ول «اشىق نقا» پورتالىندا جاريالانىپ، كوپشىلىك تالقىسىنا ۇسىنىلادى.

– اپتا سوڭىنا دەيىن پورتالعا جاريالاپ، سىزدەردىڭ ۇسىنىستارىڭىزدى كۇتەمىز. كۋلۋاردا ءوزىمىز شەشىم قابىلدامايمىز، مىندەتتى تۇردە اشىق تالقىلايمىز، – دەدى جۇمانعارين.

رەفورما نە ءۇشىن قاجەت بولدى؟

ءمينيستردىڭ ايتۋىنشا، مۇنداي رەفورما پاندەميادان كەيىنگى مەملەكەتتىك قارجىعا تۇسكەن قىسىم مەن الەۋمەتتىك شىعىستاردىڭ ارتۋىنا بايلانىستى قولعا الىنعان. ول كاسىپكەرلەردى قاۋەسەتكە سەنبەۋگە شاقىردى.

18 شىلدەدە پرەزيدەنت جاڭا سالىق كودەكسىنە قول قويعان بولاتىن. Ulysmedia.kz-كە پىكىر بىلدىرگەن ساراپشىلاردىڭ ايتۋىنشا، بۇل جاڭاشىلدىقتار كوپتەگەن كاسىپكەرلەرگە جانە قاراپايىم قازاقستاندىقتارعا اۋىر سوققى بولۋى مۇمكىن. مامانداردىڭ بولجامىنشا، سالىق رەفورماسى سالدارىنان 400 مىڭعا جۋىق كاسىپكەر ءوز بيزنەسىنەن ايىرىلۋى ىقتيمال.

Abai.kz