ويىن الاڭىنان ءوندىرىستى روبوتتاندىرۋعا دەيىن: قازاقستاندىق ستارتاپ ونەركاسىپتىك جابدىقتى قاشىقتان باسقارۋ تەحنولوگياسىن ازىرلەدى.

قازاقستاندا ناقتى ماشينالار مەن درونداردى ينتەرنەت ارقىلى قاشىقتان باسقارۋعا ارنالعان پلاتفورما قۇرىلدى. بۇل مىڭداعان شاقىرىم قاشىقتىقتاعى وپەراتورعا تەحنيكانى باسقارۋعا مۇمكىندىك بەرەدى.

NU بازاسىندا ازىرلەنگەن بىرەگەي ءىت-شەشىم مەملەكەت باسشىسىنىڭ تسيفرلاندىرۋ جانە وزىق تەحنولوگيالار ەنگىزۋ جونىندەگى تاپسىرمالارىنا سايكەس جۇزەگە استى.

«يننوپروم. بەلارۋس» حالىقارالىق كورمەسىندە ۇسىنىلعان «Game of Drones» كومپانياسىنىڭ يننوۆاتسيالىق جوباسى، وتاندىق تەحنولوگيانى ازاماتتىق سالادا دا، قاۋىپسىزدىك سالاسىندا دا قولدانۋعا كەڭ مۇمكىندىكتەر اشادى.

تەحنولوگيانىڭ ەكى ماقساتى بار: ونى كومبايندار مەن شاحتا تەحنيكاسىن قاشىقتان باسقارۋ ءۇشىن پايدالانۋعا بولادى، سونىمەن قاتار درون وپەراتورلارىن جاپپاي دايىنداۋ ءۇشىن ءتيىمدى ءارى ۇنەمدى پلاتفورما رەتىندە قىزمەت ەتەدى.

«بۇل – الەمدە تەڭدەسى جوق بىرەگەي ءونىم. ول بەينە كەسكىندەردى جانە باسقارۋدى دالدىكپەن ءارى جوعارى جىلدامدىقپەن جىبەرە الادى. بۇل تەحنولوگيانى اۋىل شارۋاشىلىعى سالاسىندا، گەيمينگتە، اسكەري قىزمەتشىلەردى درونداردى باسقارۋعا ۇيرەتۋدە قولدانۋعا بولادى»، — دەپ ءتۇسىندىردى «Game of Drones» كومپانياسىنىڭ نەگىزىن قالاۋشى ابىلايحان جاقانوۆ.

Abai.kz