ەلىمىزدىڭ وڭىرلەرىندە ەگىن جيناۋ ناۋقانى جالعاسۋدا. ءداندى جانە ءداندى-بۇرشاقتى داقىلداردىڭ بولجامدى جيناۋ الاڭى 16 ملن گەكتاردان اسادى. بۇل تۋرالى اشم ءباسپاسوز قىزمەتى حابارلادى. 

بۇگىنگى تاڭدا 12,7 ملن گەكتار نەمەسە جالپى ەگىس القاپتارىنىڭ 79,3%-ى جينالدى. ناتيجەسىندە 19,8 ملن توننا استىق باستىرىلدى.

ءداندى داقىلداردان بولەك، اۋىل شارۋاشىلىعى تاۋارىن وندىرۋشىلەر 1,3 ملن توننا مايلى داقىل، گەكتارىنا 229,2 تسەنتنەر ونىمدىلىكپەن 2,4 ملن توننا كارتوپ جانە گەكتارىنا 303,1 تسەنتنەر ونىمدىلىكپەن 3,2 ملن توننا كوكونىس جينادى.

اتاپ ايتقاندا، 324 تس/گا ونىمدىلىكپەن 427,5 مىڭ توننا قىرىققابات، 429 تس/گا ونىمدىلىكپەن 897,4 مىڭ توننا پياز، سونداي-اق 286,8 تس/گا ونىمدىلىكپەن 328,5 مىڭ توننا ءسابىز جينالدى.

ەگىن جيناۋ ناۋقانى ۇيىمداسقان تۇردە جانە اگروتەحنيكالىق تالاپتارعا ساي مەرزىمدە جۇرگىزىلىپ جاتىر.

ايتا كەتەلىك استىقتىڭ 777 مىڭ تونناسى ەكسپورتتالدى.

Abai.kz