ەندى حيدجاب كيمەگەن ايەلدەرگە ايىپپۇل، جازا نەمەسە زاڭ جۇزىندە ەشقانداي شەكتەۋ قولدانىلمايدى.

ەل بيلىگى وسىنداي توقتامعا كەلدى. 2022 جىلى يراندا 22 جاستاعى ماحسا ءامينيدىڭ قازاسىنان كەيىن ەل بويىنشا جاپپاي تولقۋلار باستالعان ەدى. ونى حيدجابتى دۇرىس تاقپادى دەگەن سىلتاۋمەن ادەپ پوليتسياسى ۇستاپ اكەتكەن بولاتىن. سول كەزدە كوپتەگەن ايەل حيدجابتارىن شەشىپ، ولاردى ورتەپ، نارازىلىق بىلدىرگەن.

1930 جىلداردىڭ ورتاسىنان 1979 جىلعا دەيىن يران ايەلدەرىنىڭ قۇقىقتارى ساقتالدى. ولاردىڭ ءبىلىم الۋعا، كۇيەۋىنىڭ رۇقساتىنسىز جۇمىسقا ورنالاسۋعا، ۇكىمەتتەگى ءتۇرلى لاۋازىمدارعا سايلانۋعا جانە سايلاۋعا قاتىسۋعا قۇقىعى بولدى. ايەلدىڭ كيىمىنە قاتىستى ەشقانداي تالاپ قويىلمادى.

الايدا يسلام رەۆوليۋتسياسىنان كەيىن ايەلدەردىڭ قۇقىقتارى شەكتەلدى. مىندەتتى تۇردە ورامال تاعۋ، جابىق كيىم كيۋ تالابى پايدا بولدى.

Abai.kz