7 قازان كۇنى ەلەكتروندى اۋكتسيوندا ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆتىڭ ۇيىنەن تاركىلەنگەن زاتتاردىڭ جاڭا پارتياسى ساتىلدى.

ساۋدانى قايتارىلعان اكتيۆتەردى باسقارۋ كومپانياسى وتكىزدى. 10 لوتتىڭ 7-ەۋى ساتىلىپ، جالپى سوماسى 3,5 ميلليون تەڭگەدەن اسقان. ەڭ جوعارى باعاعا وتكەن زات — سابى بار، ساپىندا سۇيەك اشەكەيى مەن تىزبەگى بار قىلىش. ول 930 020 تەڭگەگە باعالانىپتى.

باستاپقى باعاسى دا وسىلاي بەلگىلەنگەن، دەگەنمەن باستاپقى باعالاۋ قۇنى 1,3 ميلليون تەڭگەدەن جوعارى بولاتىن. جالپى، قايتارىلعان اكتيۆتەردى باسقارۋ كومپانياسى اۋكتسيونعا 10 ساندىك بۇيىم قويعان. ولاردىڭ اراسىندا كوللەكتسيالىق قالامدار، مونەتالار، قىلىشتار، قانجارلار جانە ۇلتتىق ورنەگى بار بەلدىك بار. بارلىق زاتتار رەسمي قۇجاتتاردا ءماسىموۆتىڭ ۇيىنەن تاركىلەنگەن مۇلىك رەتىندە تىركەلگەن.

ساتىلعان بۇيىمدار:

Montegrappa Italia جازۋى بار 925 سىنامالى كۇمىستەن جاسالعان قالام (440 مىڭ تەڭگە);

قۇران سۇرەلەرىمەن بەزەندىرىلگەن Visconti Firenze قالامى (402 مىڭ تەڭگە);

ساپىندا سۇيەك اشەكەيى مەن تىزبەگى بار قىلىش (930 مىڭ تەڭگە);

سارى مەتالدان ورنەكتەلگەن قىلىش (837 مىڭ تەڭگە);

بولات قانجار (185 مىڭ تەڭگە);

«الما وتانى»، «استانا»، «بايتەرەك» جانە «قازاقستان كارتاسى» كوللەكتسيالىق مونەتالار جيىنتىعى (شامامەن 199 مىڭ تەڭگە). تاعى ەكى مونەتا (82 999 تەڭگە).

ايتىپ وتەيىك، كارىم ءماسىموۆ 2022 جىلدىڭ قاڭتارىندا مەملەكەتتىك وپاسىزدىق جاسادى دەگەن كۇدىكپەن ۇستالعان. 2023 جىلعى ساۋىردە ول 18 جىلعا باس بوستاندىعىنان ايىرىلىپ، مۇلكى تاركىلەندى. سول جىلدىڭ قاراشاسىندا ءىرى كولەمدە پارا الۋ جانە اقشانى زاڭسىز جولمەن اينالدىرۋ باپتارى بويىنشا وعان قاتىستى جاڭا ءىس قوزعالدى.

دەرەككوزى: مىڭ تەڭگە تەلەگرام ارناسى

Abai.kz