قازاقستاندا قازان ايىنداعى ينفلياتسيا 12,6%-عا دەيىن تومەندەدى. ۇلتتىق ستاتيستيكا بيۋروسىنىڭ دەرەگىنشە، ازىق-تۇلىك باعاسى 13,5%-عا، اقىلى قىزمەتتەر 12,9%-عا، وزگە تاۋارلار 11%-عا وسكەن، دەپ حابارلايدى BAQ.KZ ءتىلشىسى.

ازىق-تۇلىك تاۋارلارى

قازان ايىندا بىرقاتار تاعام ونىمدەرىنىڭ باعاسى تومەندەدى:

• پياز – 7,7%-عا،
• الما – 6,1%-عا،
• قىزىلشا – 5,1%-عا،
• قىرىققابات – 4,7%-عا،
• ءسابىز – 4,4%-عا،
• قانت – 2%-عا،
• ءجۇزىم – 1,1%-عا،
• ليمون – 0,8%-عا ارزانداعان.

ال كەرىسىنشە، كەيبىر ونىمدەر قىمباتتاعان:

• شوكولاد – 2,3%-عا،
• كوفە، دامدەۋىشتەر مەن سوۋستار – 1,8%-عا،
• قۇرما – 1,6%-عا،
• جارما تۇرلەرى – 0,7%-عا وسكەن.

ازىق-تۇلىككە جاتپايتىن تاۋارلار

وتاندىق قۇراستىرۋداعى جاڭا اۆتوكولىكتەردىڭ باعاسى 1,5%-عا تومەندەدى.

سونىمەن قاتار كەلەسى تاۋارلار قىمباتتاعان:

• قولشاتىر – 4,2%-عا،
• ەلەكتر جىلىتقىشتار – 2,5%-عا،
• جۋعىش جانە تازالاعىش قۇرالدار – 1%-عا،
• كيىم، اياق كيىم جانە تۇرمىستىق تەحنيكالار – 0,8%-عا.

قىزمەت تۇرلەرى

تاريفتەر تومەندەدى:

• سۋىق سۋعا – 40%-عا،
• گازعا – 10,7%-عا،
• ەلەكتر ەنەرگياسىنا – 2%-عا.

بىراق كەيبىر قىزمەت تۇرلەرىنىڭ باعاسى ارتقان:

• قوعامدىق تاماقتانۋ ورىندارى – 2%-عا،
• شاشتاراز جانە سۇلۋلىق سالوندارى – 1,5%-عا،
• فيتنەس جانە جاتتىعۋ زالدارى – 0,8%-عا ءوستى.

جىلدىق ينفلياتسيا – 12,6%

2024 جىلدىڭ قازان ايىمەن سالىستىرعاندا جىلدىق ينفلياتسيا دەڭگەيى 12,6% بولدى.

باعاسى تومەندەگەندەر:

• كۇرىش – 8,3%-عا،
• كەپتىرىلگەن ورىك – 5%-عا،
• قىزاناق – 1,4%-عا ارزاندادى.

باعاسى ارتقاندار:

• كەپتىرىلگەن جەمىس پەن جاڭعاقتار – 2,9%-عا،
• اس ۇيگە ارنالعان قۇرال-جابدىقتار – 7%-عا،
• ەلەكتر بۇرعىلار – 5,9%-عا،
• شامدار – 5,2%-عا ءوستى.

سونىمەن بىرگە، وتكەن جىلمەن سالىستىرعاندا:

• اياق كيىم جوندەۋ قىزمەتى – 8,9%-عا،
• تۇرعىن ءۇيدى كۇتىپ ۇستاۋ قىزمەتى – 7,8%-عا،
• باسسەين مەن جاتتىعۋ زالدارىنا ابونەمەنتتەر – تيىسىنشە 10% جانە 8,8% قىمباتتاعان.

ۇلتتىق ستاتيستيكا بيۋروسى 508 ءتۇرلى تاۋار مەن قىزمەت بويىنشا تۇتىنۋ باعاسىنىڭ يندەكسىن اي سايىن ەسەپتەيدى. ينفلياتسيانىڭ تولىق ديناميكاسى 2018 جىلدان بەرگى دەرەكتەرمەن بىرگە ۆەدومستۆونىڭ ينتەراكتيۆتى داشبوردىندا قولجەتىمدى.

Abai.kz