ەۋرازيالىق ەكونوميكالىق كوميسسيا القاسىنىڭ 2023 جىلعى 30 مامىرداعى № 75 «تاۋارلارعا ارنالعان دەكلاراتسيا مەن تاۋارلارعا ارنالعان دەكلاراتسيانى تۇزەتۋ قۇرىلىمى مەن فورماتى تۋرالى جانە كەدەن وداعى كوميسسياسى مەن ەۋرازيالىق ەكونوميكالىق كوميسسيا القاسىنىڭ كەيبىر شەشىمدەرىنە وزگەرىستەر ەنگىزۋ تۋرالى» شەشىمىن ىسكە اسىرۋ ماقساتىندا «استانا-1» (Keden) اقپاراتتىق جۇيەسىندە تاۋارلارعا ارنالعان دەكلاراتسيا فورماتى ىسكە اسىرىلدى.

وزگەرىستەر كەدەندىك راسىمدەردى اۆتوماتتاندىرۋدى جانە وڭايلاتۋدى، سونداي-اق قاعاز تۇرىندەگى قۇجاتتاردى تسيفرلىق فورماتقا كوشىرۋدى كوزدەيدى. اتاپ ايتقاندا، دەكلارانتقا جولداناتىن بارلىق سۇراۋ تۇرلەرى، تد-عا وزگەرىستەر ەنگىزۋ تۋرالى تالاپ/شەشىم نىسانى، تد-عا وزگەرىستەر نىسانى جانە باسقا دا قۇجاتتار اۆتوماتتاندىرىلدى.

وسىعان بايلانىستى 2025 جىلعى 3 قاراشادان باستاپ «استانا-1» (Keden) اقپاراتتىق جۇيەسىنىڭ «تاۋارلارعا ارنالعان دەكلاراتسيا» ءمودۋلىن بارلىق كەدەندىك راسىمدەر بويىنشا سىناقتان وتكىزۋ باستالادى.

سىناق ونلاين جانە وفلاين فورماتتاردا جۇرگىزىلەدى. كەز كەلگەن تۇلعالار سىناققا قاتىسا الادى.

وتىنىمدەردى بەرۋ ءتارتىبى مەن سىناق وتكىزىلەتىن كەستە «استانا-1» (Keden) اقپاراتتىق جۇيەسىنىڭ تەستتىك پورتالىندا جاريالانعان – https://test-keden.kgd.gov.kz. سول جەردە سىناقتى وتكىزۋ ءتارتىبى، بەينەساباقتار، پايدالانۋشى نۇسقاۋلىعى، ءجيى قويىلاتىن سۇراقتارعا جاۋاپتار، بايلانىس دەرەكتەرى، سونداي-اق «تاۋارلارعا ارنالعان دەكلاراتسيا» مودۋلىنە قاتىستى ەسكەرتۋلەر مەن ۇسىنىستاردى جىبەرۋ فۋنكتسياسى تۋرالى اقپارات  ورنالاستىرىلعان.

«تاۋارلارعا ارنالعان دەكلاراتسيا» ءمودۋلىن ىسكە قوسۋ جوبالىق مەرزىمى 2026 جىلعى قاڭتاردىڭ ەكىنشى ونكۇندىگىنە جوسپارلانعان. سونىمەن قاتار، ءمودۋلدى ىسكە قوسۋ ۇسىنىلعان ەسكەرتۋلەر مەن ۇسىنىستاردى ەسكەرە وتىرىپ جۇزەگە اسىرىلادى.

قۇرمەتتى سىرتقى ەكونوميكالىق قىزمەت قاتىسۋشىلارى! قازاقستان رەسپۋبليكاسىنىڭ قارجى مينيسترلىگىنىڭ مەملەكەتتىك كىرىستەر كوميتەتى سىناققا بەلسەندى قاتىسۋعا شاقىرادى!