جىل باسىنان بەرى قازاقستان كىتاپحانالارىنا 37 ميلليون وقىرمان كەلگەن.

قازاقستاندا كىتاپ وقۋعا دەگەن قىزىعۋشىلىق ايتارلىقتاي ارتىپ كەلەدى. بيىل ەل بويىنشا كىتاپحانالار كەلۋشىلەر سانىنىڭ رەكوردتىق كورسەتكىشىن تىركەپ وتىر.

جىل باسىنان بەرى 37 ميلليون وقىرمان كىتاپحاناعا بارعان. سوڭعى ءبىر ايدىڭ وزىندە الماتىداعى قازاقستان رەسپۋبليكاسىنىڭ ۇلتتىق كىتاپحاناسىنا شامامەن 13 مىڭ ادام جۇگىنگەن. ەڭ بەلسەندى وقىرماندار – 17 مەن 25 جاس ارالىعىنداعى جاستار، ال 45 جاستان اسقان كەلۋشىلەردىڭ سانى – ەكى مىڭعا جۋىق. شامامەن ءۇش مىڭ ادام كىتاپحاناعا العاش رەت تىركەلگەن.

وقىرماندار كوبىنە قازاق جانە الەم ادەبيەتىنىڭ كلاسسيكالىق جانە كوركەم شىعارمالارىن وقىعاندى ءجون كورەدى. كىتاپ سۇيەر قاۋىم كوبىنە روماندار، پوۆەستەر مەن پوەزيانى تاڭدايدى.

سوڭعى ايلاردا قازاق كلاسسيكاسىنا جانە ۇلتتىق فيلوسوفيالىق ادەبيەتكە قىزىعۋشىلىق ايتارلىقتاي ارتقان. بۇگىندە قازاقستاندا 3 883 قوعامدىق كىتاپحانا جۇمىس ىستەيدى. جىل باسىنان بەرى ەل بويىنشا 5,3 ميلليوننان استام جاڭا وقىرمان تىركەلگەن.

Abai.kz