ءال-فارابي اتىنداعى قازاق ۇلتتىق ۋنيۆەرسيتەتى قازاقستاننىڭ جەتەكشى كلاسسيكالىق ۋنيۆەرسيتەتى مəرتەبەسىنە يە قازاقستان ءبىلىمى مەن عىلىمىنىڭ ءىرى ورتالىعى. قازۇۋ-دى  ەلىمىزدىڭ بارلىق جوعارعى ءبىلىم بەرۋ جۇيەسىنىڭ تىرەگى، بىلىكتى ماماندار ورداسى دەۋگە بولادى.

اباي قۇنانبايۇلىنىڭ ون سەگىزىنشى قارا سوزىندە: «تەگىندە، ادام بالاسى ادام بالاسىنان اقىل، عىلىم، ار، مىنەز دەگەن نارسەلەرمەن وزباق»- دەلىنگەن. اتالعان وي ءتۇيىنى بۇگىنگى كۇننىڭ وزەگى بولىپ تابىلادى. اقىل، عىلىمدى دامىتۋدا ۋنيۆەرسيتەتتە ەلىمىزدەگى مىقتى زەرتتەۋ مادەنيەتىنىڭ ىرگەتاسى قالىپتاستى دەۋگە بولادى. ەلىمىزدە عىلىم سالاسىندا ايشىقتى ورىنعا يە عالىمدار مەن زەرتتەۋشىلەردىڭ كوپشىلىگى ۋنيۆەرستيتەت تۇلەگى بولىپ تابىلادى. ءال-فارابي اتىنداعى قازۇۋ-دىڭ كەمەل كەلەشەك كەپىلى بولۋىنىڭ تاعى ءبىر سەبەبى – ونىڭ عىلىمي-زەرتتەۋ مەن يننوۆاتسياعا قاتتى كوڭىل بولۋىندە. ۋنيۆەرسيتەتتە ءارتۇرلى سالالارداعى ءبىلىمدى جەتىلدىرۋگە ارنالعان بىرنەشە عىلىمي ورتالىقتار قۇرىلدى. بۇل ورتالىقتاردا الدىڭعى قاتاردا جۇرگەن جەتەكشى عالىمدار مەن زەرتتەۋشىلەر قىزمەت ەتەدى. ولار ءوز جۇمىستارى ارقىلى بۇگىنگى قوعام الدىندا تۇرعان ەڭ وزەكتى مىندەتتەردى شەشۋگە كومەكتەسۋدە. ۋنيۆەرسيتەت وقىتۋشىلارى مەن ستۋدەنتتەرىن قوعامعا ماڭىزدى اسەر ەتە الاتىن عىلىمي-زەرتتەۋ قىزمەتىمەن اينالىسۋعا شاقىرادى.

ءال-فارابي اتىنداعى قازاق ۇلتتىق ۋنيۆەرسيتەتى ماڭىزدى عىلىمي-زەرتتەۋ ينستيتۋتتارىنىڭ ءبىرى جانە سونىمەن قاتار قازاقستان رەسپۋبليكاسىنىڭ كوپتەگەن عىلىمي جانە كاسىبي سالالارىنداعى ماگيسترانتتار مەن اسپيرانتتارعا وراسان زور مۇمكىندىكتەر اشاتىن كورنەكتى وقۋ ورداسى بولىپ تابىلادى. ونىڭ تۇلەكتەرى بولاشاق مانسابىندا تابىسقا جەتۋگە جاقسى دايىندالعان جانە ولاردىڭ زەرتتەۋلەرى الەمدەگى ەڭ وزەكتى ماسەلەلەردى شەشۋگە كومەكتەسۋدە. سوڭعى ۇلگىدەگى بازالارى جانە مانساپتىق مۇمكىندىكتەرىمەن قازۇۋ ستۋدەنتتەردىڭ اكادەميالىق جانە كاسىبي ماقساتتارىنا جەتۋ ءۇشىن تاماشا، ءارى تاپتىرماس ورىن بولىپ وتىر. قۇزىرەتتى ءارى بىلىكتى تۇلەكتەر جەلىسى جانە يننوۆاتسيالار مەن كاسىپكەرلىككە ۇنەمى نازار اۋدارا وتىرىپ، ءال-فارابي اتىنداعى قازاق ۇلتتىق ۋنيۆەرسيتەتى الداعى ۋاقىتتا دا جوعارى ءبىلىم بەرۋ سالاسىنداعى كوشباسشى بولىپ قالا بەرەتىنىنە سەنىمىمىز مول. عاسىرعا جۋىق تاريحى بار ۋنيۆەسيتەت مەملەكەتىمىزدىڭ اسىل قازىناسى- بىلىمگە قۇمار ادام بالاسىنا ساپالى ءبىلىمى مەن عىلىمعا باۋليتىن ورنىن ىرگەلەندىرىپ، ءارى قاراي دامىتا بەرەتىنى كۇمانسىز.

مۋحاماديەۆا گ.ن.   ەرگالي ا.م.

جاقىش ا.ج.   تلەپبەرگەنوۆ و.ن.

دوسۋمبەكوۆا م.ت.

ءال-فارابي اتىنداعى قازۇۋ زاڭ فاكۋلتەتىنىڭ

 قىلمىستىق قۇقىق، قىلمىستىق ءىس جۇرگىزۋ جانە

كريميناليستيكا كافەدراسى

Abai.kz