دۇيسەنبى كۇنى بانگلادەش سوتى بۇرىنعى پرەمەر-مينيستر شەيح حاسينانى سىرتتاي ءولىم جازاسىنا كەستى.

وعان 2024 جىلدىڭ جازىندا وتكەن نارازىلىقتاردى باسۋ ءۇشىن ادامزاتقا قارسى قىلمىستار جاسادى دەگەن ايىپ تاعىلدى. ەكس-پرەمەرمەن بىرگە بۇل قىلمىستىق ءىس بويىنشا بۇرىنعى ىشكى ىستەر ءمينيسترى اسادۋزامان حان كامال دا ءولىم جازاسىنا كەسىلدى.

ەندى بانگلادەشتىڭ ۋاقىتشا ۇكىمەتى ءۇندىستاننان بۇرىنعى پرەمەر-مينيستر شەيح حاسينانى ەلگە بەرۋدى سۇراپ وتىر. ەكى مەملەكەت اراسىندا ەكستراديتسيا بويىنشا كەلىسىم بار. بىلتىر ۇندىستانعا قاشىپ كەتكەن 78 جاستاعى حاسينا ۇكىمدى ساياسي قۋدالاۋ ءارى ادىلەتسىز ەكەنىن ايتتى. ول بانگلادەش ۇكىمەتىن 1996-2001, كەيىن 2009-2024 جىلدارى باسقاردى.

Abai.kz