مۇنى ۇكىمەت وتىرىسىنان سوڭ پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ايتتى، دەپ حابارلايدى inbusiness.kz سايتى.

ونىڭ سوزىنشە، بيىل ەلىمىزدە 2,9 ميلليون توننا كارتوپ جينالعان. بۇل كورسەتكىش ۇكىمەت بولجاعان كولەمنەن الدەقايدا كوپ سانالىپ وتىر.

– ءبىر ادامعا 100 كەلى كارتوپ تۇتىنۋ نورماسىمەن ەسەپتەسەك، بىزگە شامامەن 2-2,1 ميلليون توننا قاجەت. ەكسپورت 500 مىڭ توننادان اسقان كەزدە سىرتقا شىعارۋدى تەجەي باستايتىندىعىمىزدى بىرنەشە رەت ايتتىق. ويتكەنى، كورشى ەلدەردە كارتوپ باعاسى الدەقايدا جوعارى جانە بۇل – ءبىزدىڭ باسەكەلەستىك باسىمدىعىمىز. قازىرگى ۋاقىتتا كارتوپ وسىرۋشىلەرىمىز ەكسپورت ەسەبىنەن تابىس تاۋىپ جاتىر ءارى ءبىز ولارعا بوگەت بولمايمىز. دەگەنمەن، ىشكى نارىقتى قامتاماسىز ەتۋ ماسەلەسى تۋىنداعان جاعدايدا، 500-600 مىڭ تونناسىن ساتقاننان كەيىن ەكسپورتقا تىيىم سالاتىن شىعارمىز نەمەسە كۆوتا بەلگىلەرمىز، – دەپ ءتۇسىندىردى جۇمانعارين.

پرەمەر-ءمينيستردىڭ ورىنباسارى ءوز سوزىندە كارتوپ باعاسى ءبىر ايدا 4,5 پايىزعا قىمباتتاعانىن، دەسە دە 180 تەڭگە دەگەن تىم جوعارى ءوسىم ەمەستىگىن جەتكىزگەن.

– ءبىز 300 توننا كارتوپ ەكسپورتتادىق. 200 تونناعا دا كەلىسىمشارت بار. بىراق الى ەكسپورتقا شىعارىلعان جوق. سوندىقتان دا، ءبىز الدىن الۋ شارالارىن دەر ۋاقىتىندا قابىلدايمىز، – دەپ ءسوزىن قورىتىندىلادى ۇلتتىق ەكونوميكا ءمينيسترى.

Abai.kz