قازاقستان مەن وزبەكستان جاڭا اۆيامارشرۋتتار مەن جىبەك جولى بويىنشا بىرلەسكەن تۋرلار اشادى. پرەمەر-ءمينيسترى ولجاس بەكتەنوۆتىڭ تاپسىرماسىن ورىنداۋ اياسىندا قازاقستان مەن وزبەكستان اراسىنداعى تۋريزم جانە كولىك بايلانىستارىن دامىتۋ جونىندەگى جۇمىستار كۇشەيتىلدى. بۇل تۋرالى ۇكىمەتتىڭ ءباسپاسوز قىزمەتى حابارلادى.

كولىك مينيسترلىگى تاراپىنان ءۇش جاڭا اۋە باعىتى ىسكە قوسىلادى. وسى جىلدىڭ 1 جەلتوقسانىنان باستاپ SCAT اۋەكومپانياسى تۇركىستان – بۇحارا، تۇركىستان – ۇرگەنىش (حيۋا) جانە تۇركىستان – سامارقاند باعىتتارى بويىنشا تۇراقتى ۇشادى. رەيستەر ءار باعىت بويىنشا اپتاسىنا ءۇش رەت ورىندالادى.

بيلەتتەر ساتۋعا شىعارىلدى، ۇشۋ قۇنى – ءبىر باعىتقا 40 مىڭ تەڭگە. باستاپقى كەزەڭدە اۋە قاتىناستارى تۇراقتى جولاۋشىلار اعىنىن قالىپتاستىرۋ ءۇشىن سۋبسيديالاناتىن بولادى.

مارشرۋتتاردىڭ اشىلۋى ءتۋريزمدى دامىتۋعا جانە ۇلى جىبەك جولى قالالارىن ىلگەرىلەتۋگە، سونداي-اق وڭىرلەردىڭ كولىك بايلانىسىن كۇشەيتۋگە جانە شەتەلدىك تۋريستەر اعىنىن ىنتالاندىرۋعا باعىتتالعان.

سونىمەن قاتار تۋريزم جانە سپورت مينيسترلىگى ورتالىق ازيانىڭ جىبەك جولى بويىنشا ورتاق مارشرۋتتىڭ جاڭا تۇجىرىمداماسىن ازىرلەدى. وعان ايماقتاعى نەگىزگى قالالار: الماتى، شىمكەنت، تۇركىستان، تاشكەنت، سامارقاند، بۇحارا جانە حيۋا كىردى، سونداي-اق ورتاق تاريحي مۇرا مەن تابيعي رەسۋرستار ەنگىزىلدى.

سامارقاندقا العاشقى تۋر kompastour وپەراتورىمەن بىرلەسىپ ىسكە قوسىلدى. قازىر باسقا تۋريستىك كومپانيالارمەن جاڭا تۋرلاردى ۇيىمداستىرۋ بويىنشا كەلىسسوزدەر جۇرگىزىلىپ جاتىر. 2026 جىلى ەكى ەلدىڭ تۋريستىك رەسۋرستارىن بىرىكتىرۋ ماقساتىندا قازاقستان مەن وزبەكستاننىڭ تۋريستىك الەۋەتىن بىرلەسىپ ىلگەرىلەتۋ جوسپارلانىپ وتىر.

ايتا كەتەيىك، قازاقستان مەن وزبەكستان اراسىندا جول قىسقارتاتىن جاڭا اۋە باعىتى اشىلدى.

Abai.kz