ءال-فارابي اتىنداعى قازاق ۇلتتىق ۋنيۆەرسيتەتى- ەلىمىزدەگى جوعارى ءبىلىم بەرۋ ساپاسىن حالىقارالىق دەڭگەيگە كوتەرىپ، تۇراقتى دامۋ ماقساتتارىن جۇيەلى تۇردە جۇزەگە اسىرىپ كەلە جاتقان جەتەكشى وقۋ ورنى. وقۋ ورداسى ءوزىنىڭ ءبىلىم بەرۋ، عىلىم جانە يننوۆاتسيا باعىتتارىنداعى كەشەندى جۇمىستارى ارقىلى بارشاعا ساپالى ءبىلىم الۋعا مۇمكىندىك بەرۋدى كوزدەيتىن تۇراقتى دامۋ ماقساتتارىنىڭ 4-باعىتىن جۇزەگە اسىرۋدا ايتارلىقتاي ۇلەس قوسىپ وتىر.ۋنيۆەرسيتەتتىڭ ستراتەگيالىق دامۋى قازىرگى جاھاندىق تالاپتارمەن ۇيلەسىپ، جاڭا بۋىن ماماندارىن دايارلاۋعا باعىتتالعان.ساپالى ءبىلىم بەرۋ-قوعام دامۋىنىڭ نەگىزگى قوزعاۋشى كۇشى. ول جەكە تۇلعانىڭ كاسىبي جاعىنان قالىپتاسۋىنا عانا ەمەس، ونىڭ سانالى ازامات رەتىندە قوعام ومىرىنە بەلسەندى ارالاسۋىنا دا تىكەلەي اسەر ەتەدى. ءبىلىم-ادامنىڭ ءومىر بويى وزگەرىپ، دامۋىنا جول اشاتىن رۋحاني جانە ينتەللەكتۋالدىق رەسۋرس. ال ساپالى ءبىلىم وسى رەسۋرستى دۇرىس باعىتقا باعىتتايدى، تۇلعانىڭ جان-جاقتى دامۋىنا مۇمكىندىك بەرەدى.

قازىرگى تاڭدا الەم ەلدەرى ءبىلىم بەرۋدى ەكونوميكالىق جانە الەۋمەتتىك دامۋدىڭ باستى فاكتورى رەتىندە قاراستىرادى. سەبەبى ساپالى ءبىلىم العان مامان ەڭبەك نارىعىندا سۇرانىسقا يە بولىپ قانا قويماي، جاڭا يدەيالاردى ۇسىنادى، يننوۆاتسيالىق جوبالاردى جۇزەگە اسىرادى جانە قوعامنىڭ باسەكەگە قابىلەتتىلىگىن ارتتىرادى. وسى تۇرعىدا ۋنيۆەرسيتەتتىڭ ءرولى ەرەكشە. قازۇۋ  ساپالى ءبىلىم بەرۋدى قامتاماسىز ەتۋدە ەلدەگى جەتەكشى پوزيتسيانى ۇستانىپ كەلەدى.ساپالى ءبىلىم تەك كاسىبي بىلىممەن شەكتەلمەيدى. ول ادامنىڭ سىني ويلاۋىن، تالداۋ قابىلەتىن، شىعارماشىلىق الەۋەتىن، شەشىم قابىلداۋ مادەنيەتىن قالىپتاستىرادى. بۇگىنگى تاڭدا مامانداردان تەوريالىق بىلىمنەن بولەك، جاڭا جاعدايلارعا بەيىمدەلە الۋ، اقپاراتتى ساراپتاۋ، جاڭاشىل باعىتتاردى يگەرۋ قابىلەتى تالاپ ەتىلەدى. وسىنداي داعدىلاردى قالىپتاستىرۋ-جوعارى وقۋ ورىندارىنداعى وقۋ پروتسەسىنىڭ ماڭىزدى مىندەتتەرىنىڭ ءبىرى.وقۋ وردامىزدىڭ عىلىمي-زەرتتەۋ ينفراقۇرىلىمىن دامىتۋى، حالىقارالىق ارىپتەستىكتەردى كەڭەيتۋى، وقۋ باعدارلامالارىن جاڭارتىپ وتىرۋى-ساپالى ءبىلىمدى قامتاماسىز ەتەتىن ۇلكەن فاكتور. ۋنيۆەرسيتەت قابىرعاسىندا جەتەكشى عالىمدار جۇمىس ىستەيدى، حالىقارالىق كونفەرەنتسيالار، عىلىمي جوبالار مەن زەرتتەۋ ورتالىقتارى تۇراقتى قىزمەت ەتەدى. بۇل ستۋدەنتتەرگە تەك ءبىلىم الىپ قانا قويماي، عىلىممەن اينالىسۋعا دا ۇلكەن مۇمكىندىك بەرەدى.

تۇراقتى دامۋ ماقساتتارىنىڭ ىشىندە ساپالى ءبىلىمنىڭ جەكە باعىت رەتىندە قاراستىرىلۋى دا كەزدەيسوق ەمەس. بۇل ماقساتتىڭ نەگىزگى يدەياسى-ءبىلىم ارقىلى قوعامنىڭ الەۋەتىن ارتتىرۋ، ادام مۇمكىندىكتەرىن كەڭەيتۋ جانە ءومىر بويى ءبىلىم الۋعا جاعداي جاساۋ. ءبىلىم وردامىزدا ستراتەگيالىق دامۋ جوسپارى وسى ماقساتتارمەن تولىق سايكەس كەلەدى. ۋنيۆەرسيتەتتە تسيفرلىق ءبىلىم بەرۋ جۇيەسى، يننوۆاتسيالىق زەرتحانالار، زاماناۋي كىتاپحانا، الەمدىك دەڭگەيدەگى وقىتۋ پلاتفورمالارى ەنگىزىلگەن.ەلىمىز جوعارى ءبىلىم ساپاسىن ارتتىرۋ ماقساتىندا بىرقاتار رەفورمالاردى جۇزەگە اسىرىپ كەلەدى. جوعارى وقۋ ورىندارىنىڭ  اكادەميالىق ەركىندىگى كەڭەيتىلىپ، ءبىلىم بەرۋ باعدارلامالارى حالىقارالىق تالاپتارعا سايكەستەندىرىلۋدە. قازۇۋ بۇل وزگەرىستەردىڭ باسىندا تۇر. الەمدىك رەيتينگتەرگە كىرۋ، حالىقارالىق باعدارلامالاردى ەنگىزۋ، عىلىمي ناتيجەلەردى كوممەرتسيالاندىرۋ-ءبىلىم ساپاسىن ارتتىرۋعا باعىتتالعان ناقتى ناتيجەلەر.ساپالى ءبىلىم العان ادام قوعامدا بەلسەندى، جاڭاشىل پوزيتسيا ۇستانادى. ول ۇزدىكسىز دامۋ مەن ءوزىن-ءوزى جەتىلدىرۋدى ءومىر سالتىنا اينالدىرادى. سوندىقتان دا ساپالى ءبىلىم بەرۋ ماسەلەسى تەك ءبىلىم سالاسىنىڭ عانا ەمەس، بۇكىل قوعامنىڭ ورتاق مىندەتى. بۇل-بولاشاققا جاسالعان ينۆەستيتسيا.

تۋرسىنكۋلوۆا د.ا

ءال-فارابي اتىنداعى قازۇۋ مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق كافەدراسىنىڭ دوتسەنتى،ز.ع.ك.

ۋسەينوۆا ك.ر

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ مەڭگەرۋشىسى

Abai.kz