قاراعاندى وبلىسىنىڭ قالا جانە اۋدان ءماسليحاتتارى كاسىپكەرلەر ءۇشىن ماڭىزدى شەشىم قابىلدادى. دەپۋتاتتار وبلىس اكىمى ەرماعانبەت بولەكپاەۆتىڭ وڭايلاتىلعان دەكلاراتسيا نەگىزىندەگى ارنايى سالىق رەجيمىنىڭ مولشەرلەمەسىن 4%-دان 2%-عا تومەندەتۋ جونىندەگى باستاماسىن قولدادى.جاڭا مولشەرلەمە 2026 جىلعى 1 قاڭتاردان باستاپ قولدانىسقا ەنگىزىلەدى.

جاڭا مولشەرلەمە 2026 جىلعى 1 قاڭتاردان باستاپ قولدانىسقا ەنگىزىلەدى.

بۇل شەشىم بيزنەس ءۇشىن سالىقتىق جۇكتەمەنى جەڭىلدەتىپ، كاسىپكەرلەرگە شىعىندارىن ازايتۋعا مۇمكىندىك بەرەدى. ۇنەمدەلگەن قاراجاتتى كاسىپ يەلەرى ءوز قىزمەتىن كەڭەيتۋ مەن دامىتۋعا باعىتتاي الادى.

– بۇل شارا قاراعاندى قالاسىندا تىركەلگەن 43,7 مىڭنان استام شاعىن جانە ورتا بيزنەس سۋبەكتىلەرىن قامتيدى. قابىلدانعان شەشىم وڭىرىمىزدە بيزنەس اشۋدىڭ تارتىمدىلىعىن ارتتىرىپ، سالىقتىق جۇكتەمەنى ەداۋىر تومەندەتەدى، – دەپ اتاپ ءوتتى قاراعاندى قالالىق ءماسليحاتىنىڭ دەپۋتاتى ءداۋىر قۇرمانعاليەۆ.

ايتا كەتەيىك، قاراعاندى وبلىسى ەكى جىل بۇرىن ەلىمىزدە العاش بولىپ بولشەك ساۋدا سالىعىنىڭ تومەندەتىلگەن مولشەرلەمەسىن ەنگىزگەن ەدى. بۇل تاجىريبە ءوزىنىڭ تيىمدىلىگىن دالەلدەدى: كاسىپكەرلەردىڭ سانى كوبەيدى، ال شوب سەكتورىنان تۇسەتىن سالىقتىق تۇسىمدەر ۇلعايدى.

كاسىپكەرلىكتى قولداۋ ءوڭىردىڭ باسىم باعىتتارىنىڭ ءبىرى بولىپ قالا بەرەدى.

Abai.kz