الماتىنىڭ سانيتارلىق قىزمەتى قاتتى وتىنمەن جۇمىس ىستەيتىن قوعامدىق تاماقتانۋ ورىندارىنا 12 جوسپاردان تىس تەكسەرىس جۇرگىزدى.

10 ەكولوگيالىق قۇقىقبۇزۋشىلىق انىقتالدى. 7 نۇسقاما بەرىلىپ، ەكى فاكتى بويىنشا ماتەريالدار سوتقا جولداندى. بارلىعى 1 887 360 تەڭگە كولەمىندە 8 اكىمشىلىك شارا قولدانىلعانىن الماتىنىڭ ەكولوگيا جانە قورشاعان ورتا باسقارماسى حابارلادى.

«Eco Almaty» جشس ماماندارىنىڭ ايتۋىنشا، مۇنداي نىساندار شامادان تىس ءتۇتىن مەن ءيىس شىعارىپ، جاقىن ماڭداعى ۇيلەردىڭ تۇرعىندارىنا قولايسىزدىق تۋدىرادى. كاۋاپحانا يەلەرىمەن تۇراقتى تۇردە ءتۇسىندىرۋ جۇمىسى جۇرگىزىلەدى: قاتتى وتىندى پايدالانۋعا تىيىم سالىنعان، ال گازبەن جۇمىس ىستەيتىن جابدىقتاردا مىندەتتى تۇردە سۇزگىلەر ورناتىلۋعا ءتيىس. Eco Almaty تاراپىنان باقىلاۋ اتموسفەرالىق اۋانى قورعاۋ جونىندەگى ءىس-شارالار جوسپارىنا سايكەس جۇزەگە اسىرىلادى.

سونىمەن قاتار، سانيتارلىق تالاپتار مەن قالانى كورىكتەندىرۋ ەرەجەلەرىنىڭ ساقتالۋىن باقىلاۋ اياسىندا ەكولوگيا جانە قورشاعان ورتا باسقارماسى مەن الماتى پوليتسيا دەپارتامەنتىنىڭ قىزمەتكەرلەرى قوعامدىق تاماقتانۋ ورىندارىنا قويىلاتىن قولدانىستاعى شەكتەۋلەر تۋرالى كاسىپكەرلەرگە تۇراقتى تۇردە ءتۇسىندىرۋ جۇمىستارىن جۇرگىزىپ وتىر.

Abai.kz