ۇكىمەت رەزەرۆىنەن ۇلىتاۋ وبلىسىنىڭ سۋمەن جابدىقتاۋ ينفراقۇرىلىمىن جاڭعىرتۋعا 1,8 ملرد تەڭگە ءبولىندى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى. قاراجات پرەزيدەنتتىڭ حالىقتىڭ ءومىر ءسۇرۋ ساپاسىن ارتتىرۋ جانە اۋىز سۋمەن قامتاماسىز ەتۋ جونىندەگى تاپسىرمالارىن جۇزەگە اسىرۋ ماقساتىندا جەزقازعان قالاسىنىڭ شارۋاشىلىق-اۋىز سۋ تازارتۋ قۇرىلىستارىن رەكونسترۋكتسيالاۋدى اياقتاۋعا باعىتتالعان.

جۇمىس ىستەپ تۇرعان كەشەن 1966 جىلى پايدالانۋعا بەرىلدى، جابدىقتىڭ توزۋى 90%-عا جەتتى.

قازىرگى ۋاقىتتا نىساندا ۇزىندىعى 4 شاقىرىم ينجەنەرلىك جەلىلەر (كارىز، جىلۋمەن جابدىقتاۋ، جارىقتاندىرۋ) تارتىلىپ، ترانسفورماتورلىق قوسالقى ستانسالار مەن تاراتۋ قۇرىلعىلارى سالىندى. سۇزىلگەن جانە اۋىز سۋعا ارنالعان 4 رەزەرۆۋار رەكونسترۋكتسيالاندى جانە پايدالانۋعا بەرىلدى، سورعى جابدىعى جاڭارتىلدى.

ۇكىمەت رەزەرۆىنەن بولىنگەن قاراجات نىساننىڭ قۇرىلىس-مونتاج جۇمىستارىن اياقتاپ، 2026 جىلى جوسپارلى پايدالانۋعا مۇمكىندىك بەرەدى.

جەزقازعاننىڭ ينفراقۇرىلىمىن جاڭعىرتۋ جونىندەگى جۇمىس – حالىقتىڭ سۋمەن جابدىقتاۋ قىزمەتتەرىنە قولجەتىمدىلىگىن قامتاماسىز ەتۋ جونىندەگى جۇيەلى جۇمىستىڭ ءبىر بولىگى. 2024 جىلدىڭ قورىتىندىسى بويىنشا ساپالى اۋىز سۋعا قولجەتىمدىلىك: قالالاردا – 99,4%، اۋىلدىق ەلدى مەكەندەردە – 98%-دى قۇرايدى.

100% كورسەتكىشكە قول جەتكىزۋ ءۇشىن 2025 جىلى ۇكىمەت رەسپۋبليكالىق بيۋدجەتتە 257 جوبانى جۇزەگە اسىرۋعا 105,7 ملرد تەڭگە قاراستىرعان. بۇدان بولەك، ارناۋلى مەملەكەتتىك قوردىڭ قاراجاتى ەسەبىنەن 229 جوبانى جۇزەگە اسىرۋعا قوسىمشا 135,8 ملرد تەڭگە ءبولىندى.

ۇكىمەت بولىنگەن قاراجاتتىڭ ۋاقتىلى ماقساتتى يگەرىلۋىن جانە پرەزيدەنتتىڭ ازاماتتاردىڭ ءال-اۋقاتىن جاقسارتۋ جونىندەگى تاپسىرمالارىن ورىنداۋ ءۇشىن جۇرگىزىلەتىن جۇمىستاردىڭ ساپاسىن باقىلايدى.

Abai.kz