بىرىڭعاي جيناقتاۋشى زەينەتاقى قورى (بجزق) الەۋمەتتىك كودەكستىڭ تالاپتارىنا سايكەس، ءار جىل سايىن كەلەسى قارجى جىلىنا ارنالعان رەسپۋبليكالىق بيۋدجەت جاريالانعاننان كەيىن 5 جۇمىس كۇنى ىشىندە زەينەتاقى جيناقتارىنىڭ ەڭ تومەنگى جەتكىلىكتىلىك شەگىن (تجش) جاريالايدى. بۇل شەك 2026 جىلعا ەسەپتەلگەن، دەپ حابارلايدى BAQ.KZ ءتىلشىسى.

تجش – بۇل سالىمشىنىڭ زەينەتكەرلىك جاسقا جەتكەندە اي سايىنعى زەينەتاقىسى ەڭ تومەنگى مولشەردەن كەم بولمايتىنداي جيناقتالۋى قاجەت قاراجاتتىڭ ەڭ تومەنگى مولشەرى. ياعني سالىمشىنىڭ شوتىندا ەڭ تومەنگى بازالىق زەينەتاقىنى الۋعا جەتكىلىكتى قاراجات بولۋى ءتيىس.

تجش ەسەپتەۋ قازاقستان ۇكىمەتىنىڭ 2023 جىلعى №521 قاۋلىسىمەن بەكىتىلگەن ادىستەمەگە سايكەس جۇرگىزىلەدى. ەسەپتەۋدە 2026 جىلعى الەۋمەتتىك-ەكونوميكالىق كورسەتكىشتەر پايدالانىلدى:

• ەڭ تومەنگى جالاقى – 85 000 تەڭگە;
• زەينەتاقىنىڭ ەڭ تومەنگى مولشەرى – 69 049 تەڭگە;
• ەڭ تومەنگى كۇنكورىس دەڭگەيى – 50 851 تەڭگە.

ناتيجەسىندە، 2026 جىلى تجش ورتا ەسەپپەن 10%-عا وسەدى، بۇل جالپى ينفلياتسيا دەڭگەيىنە سايكەس كەلەدى.

Abai.kz