قۇقىقتىق ءبىلىم مەن سالاۋاتتى ءومىر سالتىن قولداۋعا قوسقان ۇلەس

2025 جىلدىڭ 5 جەلتوقسانىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ ءال-فارابي كىتاپحاناسىندا زاڭ فاكۋلتەتىنىڭ قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ قىلمىستىلىققا قارسى تۇرۋ ماسەلەلەرىن زەرتتەۋ ينستيتۋتى مەن ساراپشى-كريميناليست ستۋدەنتتىك عىلىمي ۇيىرمەسىنىڭ ۇيىمداستىرۋىمەن حالىقارالىق ۋنيۆەرسيتەتارالىق دەڭگەيدەگى “ۇزدىك مەرگەن” اتتى بايقاۋدىڭ ماراپاتتاۋ ءراسىمى ءوتتى.

اتالعان بايقاۋ 2025 جىلدىڭ 15 جانە 27 قىركۇيەك كۇندەرى ارالىعىندا الماتى وبلىسى، قاراساي اۋدانى، دولان اۋىلىندا ورنالاسقان قازاقستان رەسپۋبليكاسىنىڭ مامانداندىرىلعان وقۋ ورتالىعىنىڭ اتۋ كلۋبىندا وتكىزىلگەن بولاتىن.

شارا تۇراقتى دامۋ ماقساتتارىنىڭ 3-باعىتى – “سالاۋاتتى ءومىر سالتى جانە سالاۋاتتىلىقتى قولداۋ” اياسىندا ۇيىمداستىرىلىپ، جاستار اراسىندا جاۋاپكەرشىلىكتى، دالدىك پەن توزىمدىلىكتى دامىتۋعا باعىتتالدى.

بايقاۋدىڭ نەگىزگى ماقساتى – وتانشىل، ءتارتىپتى، ەل قاۋىپسىزدىگى ءۇشىن ماڭىزدى داعدىلارعا يە جاس بۋىندى تاربيەلەۋ، ستۋدەنتتەردىڭ ءبىر-بىرىمەن ىنتىماقتاستىعىن ارتتىرۋ جانە كاسىبي داعدىلارىن دامىتۋ.

بيىلعى پرەزيدەنتتىڭ جولداۋىندا اتاپ وتىلگەندەي، ەلىمىزدىڭ قۇقىقتىق جۇيەسىن جەتىلدىرۋ، قوعامدىق قاۋىپسىزدىكتى كۇشەيتۋ، زاڭ ۇستەمدىگىن ورنىقتىرۋ جانە قۇقىق قورعاۋ سالاسىندا بىلىكتى كادرلاردى دايارلاۋ – مەملەكەتتىڭ ستراتەگيالىق باسىمدىقتارىنىڭ ءبىرى بولىپ تابىلادى.

وسى تۇرعىدان العاندا، “ۇزدىك مەرگەن” بايقاۋى – جاستاردىڭ قۇقىقتىق مادەنيەتىن ارتتىرۋعا، ءتارتىپ پەن جاۋاپكەرشىلىك قۇندىلىقتارىن نىعايتۋعا، سونداي-اق “زاڭ جانە ءتارتىپ” باعىتىنداعى مەملەكەتتىك ساياساتپەن ۇيلەسەتىن پراكتيكالىق دايىندىققا مۇمكىندىك بەرەتىن ماڭىزدى پلاتفورما.

بايقاۋعا: سانكت-پەتەربۋرگ كاسىپوداقتار گۋمانيتارلىق ۋنيۆەرسيتەتى الماتى فيليالى; ءال-فارابي اتىنداعى قازاق ۇلتتىق ۋنيۆەرسيتەتى; تۋران ۋنيۆەرسيتەتى، بەرداق اتىنداعي قاراقالپاق داۆلات ۋنيۆەرسيتەتى، ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتى جانە قوناەۆ ۋنيۆەرسيتەتىنىڭ ستۋدەنتتەرى قاتىستى.

بايقاۋ ناتيجەسى بويىنشا جەڭىمپازدارعا قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ اعا وقىتۋشىسى ب. ا. شوپاباەۆ ارنايى دايىندالعان I, II جانە III دارەجەلى ديپلومداردى تابىستادى. بارلىق قاتىسۋشىلار مەن جەڭىمپازداردى شىن جۇرەكتەن قۇتتىقتايمىز! زاڭ مەن ءتارتىپتى قۇرمەتتەيتىن، ەل قاۋىپسىزدىگىنە بەي-جاي قارامايتىن كاسىبي مامانداردى دايارلاۋعا ۇلەس قوساتىن مۇنداي باستامالار الداعى ۋاقىتتا دا جالعاسىن تابا بەرەدى.

ابدىمالىك ا.

زاڭ فاكۋلتەتىنىڭ قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ ز.ع.ك.،  اعا وقىتۋشىسى داۋباسوۆ س.ش.، 7M04220 كريميناليستيكالىق ساراپتامالار 1 كۋرس ماگيسترانتى

Abai.kz