استانادا يندۋستريا جانە ينفراقۇرىلىمدىق دامۋ مينيسترلىگىنىڭ بۇرىنعى ۆيتسە-ءمينيسترى ادىلبەك سارسەمباەۆ ۇستالدى.

ول قىلمىستىق كودەكستىڭ 361-بابى («وكىلەتتىكتەرىن تەرىس پايدالانۋ») بويىنشا تەرگەلىپ جاتىر. تەرگەۋ نۇسقاسى بويىنشا، سارسەمباەۆ اسكەري تەحنيكاعا قوسالقى بولشەكتەر ساتىپ الۋ كەزىندە ءتيىستى بىلىكتىلىگى جوق KAZYTEC كومپانياسىن زاڭسىز جەتكىزۋشى رەتىندە بەكىتۋگە ىقپال ەتكەن.

بۇل سحەما ناتيجەسىندە مەملەكەتكە 600 ملن تەڭگە زالال كەلگەنى ايتىلۋدا. سونداي-اق سارسەمباەۆتىڭ 12 جەلتوقساندا قازاقستاننان ءباا-گە ۇشىپ كەتۋدى جوسپارلاعانى، بىراق ۇستالعانى حابارلاندى. قازىر وعان قاتىستى بۇلتارتپاۋ شاراسى قارالىپ جاتىر. رەسمي ورگاندار ازىرگە مالىمدەمە جاساعان جوق.

Abai.kz