2026 جىلدان باستاپ ءموبيلدى اۋدارىمدار ارقىلى ءۇش اي قاتارىنان 1 ميلليون تەڭگەدەن استام قاراجات قابىلداعان ازاماتتاردىڭ تابىسى سالىق ورگاندارىنىڭ باقىلاۋىنا الىنادى.

قارجى مينيسترلىگىنىڭ جاڭا بۇيرىعىنا سايكەس، بۇعان دەيىن سالىقشىلار جاسىرىن كاسىپكەرلىك قىزمەتتى تەك اۋدارىم سانىنا قاراي انىقتايتىن. ياعني، ەگەر ازاماتقا ءۇش اي قاتارىنان اي سايىن 100 جانە ودان دا كوپ ءارتۇرلى ادامنان اقشا تۇسسە، ول كاسىپكەرلىكپەن اينالىسادى دەپ ەسەپتەلەتىن.

ەندى بۇل ءتارتىپ كۇشەيتىلەدى: ەندى تەك اۋدارىم سانىنا ەمەس، تۇسكەن قاراجات كولەمىنە دە نازار اۋدارىلادى.

ەگەر ءۇش اي ىشىندە ءموبيلدى اۋدارىمداردىڭ جالپى سوماسى ەڭ تومەنگى جالاقىنىڭ 12 ەسەلەنگەن مولشەرىنەن اسىپ كەتسە، ازاماتتىڭ تابىسى كاسىپكەرلىك رەتىندە قارالادى.

2026 جىلى ەڭ تومەنگى جالاقى 85 مىڭ تەڭگە بولادى. دەمەك، ءۇش ايدا 100-دەن استام ءموبيلدى اۋدارىمنان تۇسكەن سوما 1,02 ميلليون تەڭگەدەن اسسا، ازامات سالىق تولەۋگە مىندەتتەلەدى.

Abai.kz