قازاقستان ازاماتتارىنىڭ جاڭا ۇلگىدەگى تولقۇجاتى ازىرلەنىپ جاتىر. بۇل تۋرالى مەملەكەتتىك كەڭەسشى ەرلان قارين ءمالىم ەتتى.

ونىڭ ايتۋىنشا، قازىرگى تولقۇجات ديزاينى 17 جىل بويى قولدانىلىپ كەلەدى، سوندىقتان زاماناۋي تالاپتارعا ساي جاڭارتۋ قاجەتتىلىگى تۋىنداعان. جاڭا تولقۇجاتتى دايىنداۋ كەزىندە حالىقارالىق ستاندارتتار مەن قۇجاتتاردى بەزەندىرۋدىڭ جاڭا ۇردىستەرى ەسكەرىلگەن.

«قولدانىستاعى تولقۇجات ۇلگىسى 17 جىلدان بەرى پايدالانىلىپ كەلەدى. قازىر ۇلتتىق بانكتىڭ جەتەكشى ديزاينەرلەرى مەن بانكنوت فابريكاسىنىڭ ماماندارى تولقۇجاتتىڭ جاڭا كورىنىسىنە قاتىستى نەگىزگى باعىتتاردى ازىرلەدى. وندا قازاقستاننىڭ ەرەكشە بولمىسىن، ۇلتتىق بىرەگەيلىگىن، مادەني الۋان تۇرلىلىگىن جانە ەلدىڭ كورىكتى جەرلەرىن بەينەلەيتىن تۇجىرىمداما جاسالدى»، – دەدى ەرلان قارين.

Abai.kz